କାର୍ ଚଳାଇ ଯାଉଥିବା ଦମ୍ପତି ହଠାତ୍ ଦେଖିଲେ ତାଙ୍କ ବନେଟ୍ ଉପରେ ଏକ ବିଷଧର ସାପ ଫଣା ଟେକି ଠିଆ ହୋଇଛି। ଏହା ଦେଖି ସେମାନଙ୍କ ଅବସ୍ଥା ଖରାପ ହୋଇଗଲା। ଯଦିଓ ସ୍ପଷ୍ଟ ହୋଇନାହିଁ ଏହା କେଉଁ ଦେଶର, ତଥାପି ସୋସିଆଲ ମିଡିଆରେ ଭିଡିଓଟି ଭାଇରାଲ ହେବାରେ ଲାଗିଛି।
ଭିଡିଓ ଆରମ୍ଭରେ ସାପଟି ବନେଟ୍ ଉପରେ ଭୟଙ୍କର ଅବସ୍ଥାରେ ବୁଲୁଛି। ଯେତେବେଳେ ଗାଡ଼ିର ବେଗ ଟିକେ ବଢ଼ିଯାଉଛି ସେ ବନେଟ୍ରୁ ଖସି ଝରକା ନିକଟକୁ ଚାଲିଆସୁଛି। ସାପକୁ ଏମିତି ଦେଖି କାର୍ ଅଟକାଇବାକୁ ନିଷ୍ପତ୍ତି ନେଲେ ଦମ୍ପତି। ସାପକୁ ଏତେ ନିକଟରେ ଦେଖି ଭୟରେ ଥରି ଉଠିଥିଲେ ଦମ୍ପତି।
୨୧ ସେକେଣ୍ଡର ଏହି ଭିଡିଓକୁ ୟୁଟ୍ୟୁବ୍ରେ ଅପ୍ଲୋଡ କରାଯାଇଛି। ଯାହାକୁ ହଜାର ହଜାର ଲୋକ ଦେଖିସାରିଲେଣି। କିଛି ୟୁଜର ଏହା କେଉଁ ପ୍ରଜାତିର ସାପ ବୋଲି କମେଣ୍ଟ କରିଛନ୍ତି। ଜଣେ ମହିଳା ଲେଖିଛନ୍ତି, ସାପ କାର୍ର ଓ୍ବାରେଣ୍ଟି ଯାଞ୍ଚ କରିବାକୁ ଆସିଛି। ଭିଡିଓଟି ଏବେ ଖୁବ୍ ଭାଇରାଲ ହେବାରେ ଲାଗିଛି।