ଡୋମିନିକାର କାର୍ବିୟାନ ଦେଶରୁ ଏକ ବିଶାଳକାୟ ସାପର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ସାପଟି ଏତେ ବଡ଼ ଯେ, ଏହାକୁ ଉଠାଇବା ପାଇଁ ଏକ କ୍ରେନ୍ର ଆବଶ୍ୟକ ପଡ଼ିଥିଲା। ଏହି ସାପକୁ ବିଶ୍ୱର ସବୁଠୁ ବଡ଼ ସାପ କୁହାଯାଉଛି।
ଏକ ରିପୋର୍ଟ ଅନୁଯାୟୀ, ଗୋଟିଏ ଜୀବିତ ସାପର ଲମ୍ବ ପ୍ରାୟ ୧୦ ଫୁଟ। ଏହାକୁ କ୍ରେନ୍ ସାହାଯ୍ୟରେ ଉଠାଯାଇଛି। ସାପଟି କ୍ରେନ୍ରେ ଏପରି ଓହଳି ରହିଥିଲା ଯେ, ଏହାକୁ ବାହାର କରିବା କାଠିକର ପାଠ ଥିଲା। ସାପକୁ ଦେଖି କ୍ରେନ୍ ଡ୍ରାଇଭର ଏବଂ ଲୋକେ ସମସ୍ୟାରେ ପଡ଼ିଥିଲେ। ଯେଉଁ ସ୍ଥାନରୁ ସାପଟି ମିଳିଛି ଏହା ଅତ୍ୟନ୍ତ ଭୟଙ୍କର। ଏହି ସାପଟି ବୋଆ କନ୍ଷ୍ଟ୍ରିକ୍ଟର ପ୍ରଜାତିର ଅଟେ। ଏହି ସାପର ଲମ୍ବ ୧୦ରୁ ୧୩ ଫୁଟ ହୋଇଥାଏ। ବୋଆ କନ୍ଷ୍ଟ୍ରିକ୍ଟର ସାପ ନିଜ ଶିକାର ଉପରେ ପ୍ରଥମେ ଲମ୍ଫ ଦିଅନ୍ତି। ମାରିବା ପୂର୍ବରୁ ଶିକାରକୁ ଦାନ୍ତରେ କାମୁଡ଼ିଥାନ୍ତି।
ଏହି ସାପକୁ ପ୍ରଥମେ ଜଙ୍ଗଲରେ କାମ କରୁଥିବା ଲୋକେ ଦେଖିଥିଲେ। ଏହା ଦେଖି ସେମାନଙ୍କ ହୋସ୍ ଉଡ଼ିଯାଇଥିଲା। ପରେ ଏହାକୁ ଉଠାଇବା ପାଇଁ କ୍ରେନ୍ର ଆବଶ୍ୟକ ପଡ଼ିଥିଲା। ଏହି ଘଟଣାର ଅନେକ ଫଟୋ ଏବେ ସାମ୍ନାକୁ ଆସିଛି। ଯେଉଁଥିରେ ସାପଟି କ୍ରେନ୍ ଚାରିପଟେ ବୁଲୁଛି। ଦୀର୍ଘଘଣ୍ଟାର ପରିଶ୍ରମ ପରେ ସାପଟିକୁ କ୍ରେନ୍ ସାହାଯ୍ୟରେ ଉଠା ଯାଇଥିଲା।