ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। କେତେବେଳେ ବାଘ-ସିଂହ ମଧ୍ୟରେ ଲଢେଇ ତ ଆଉ କେତେବେଳେ ଛେଳି-ବିଲେଇ ମଧ୍ୟରେ ଲଢେଇ। ବର୍ତ୍ତମାନ ରାଜରାସ୍ତା ଉପରେ ସାପ ଏବଂ ନେଉଳ ମଧ୍ୟରେ ଲଢେଇ ଭିଡିଓ ବେଶ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ଏକ ନାଗ ସାପ ରାସ୍ତା ପାର ହେଉଥିବାବେଳେ ନେଉଳ ହାବୁଡରେ ପଡୁଛି। ପ୍ରଥମେ ସାପ ନେଉଳକୁ ଆକ୍ରମଣ କରୁଛି। ଆଉ ପାଲଟା ଜବାବରେ ନେଉଳ ମଧ୍ୟ ତାକୁ ଆକ୍ରମଣ କରିବା ଆରମ୍ଭ କରିଦେଉଛି। ପ୍ରଥମେ ନେଉଳଟି ନାଗ ସାପର ଲାଞ୍ଜକୁ ଆକ୍ରମଣ କରୁଛି। ଆଉ ଏହାପରେ ସାପଟି ଜୀବନ ବଞ୍ଚାଇବା ପାଇଁ ଚାଲିଯିବାକୁ ଚେଷ୍ଟା କରୁଛି। ସେହି ସମୟରେ ନେଉଳଟି ସାପ ପଛରେ ଦୌଡି ଯାଇ ତାକୁ ନିଜ ମୁହଁରେ କାମୁଡି ଧରି ଚାଲିଯାଉଛି। ଏହି ସମୟରେ ରାସ୍ତାର ଉଭୟ ପାର୍ଶ୍ୱରେ ଲୋକ ଅଟକି ଯାଇଥିବା ଭିଡିଓରେ ଦେଖାଯାଇଛି। ଏହି ଭିଡିଓଟିକୁ ଆଇଏଏଫ ଅଫିସର ଡାକ୍ତର ଅବଦୁଲ ଖୟୁମ ନିଜ ଟୁଇଟରେ ଆକାଉଣ୍ଟରେ ଶେୟାର କରିଛନ୍ତି। ଏହି ଭିଡିଓକୁ ଅନେକ ଲୋକ ଲାଇକ୍ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।