କାନାବେରା,୨୬।୯: କ୍ରିକେଟରେ ବ୍ୟାଟ୍ସମ୍ୟାନଙ୍କୁ ଥରେ କି ଦୁଇ ଥରେ ଜୀବନଦାନ ମିଳିବା କଷ୍ଟକର। କିନ୍ତୁ ରବିବାର ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ଭାରତୀୟ ମହିଳା ଦଳର ବ୍ୟାଟ୍ସଓମେନ ସ୍ନେହ ରାଣାଙ୍କୁ ଗୋଟିଏ ମ୍ୟାଚ୍ରେ ୬ ଥର ଜୀବନ ଦାନ ମିଳିଥିଲା। ୩୦ ରନ୍ର ପାଳିରେ ଅଷ୍ଟ୍ରେଲିଆ ଖେଳାଳିମାନେ ଦୁଇ ଥର ତାଙ୍କ କ୍ୟାଚ୍ ହାତଛଡ଼ା କରିଥିଲେ। କେବଳ ଏତିକି ନୁହେଁ ସେ ୩ ଥର ରନ୍ ଆଉଟ୍ ହେବାରୁ ବଞ୍ଚିତ ହୋଇଥିଲେ। ୪୬ ତମ ଓଭରରେ ନିକୋଲା କାରିଙ୍କ ବଲରେ କ୍ୟାଚ୍ ଆଉଟ୍ ହୋଇଥିଲେ ରାଣା। କିନ୍ତୁ ତାହାକୁ ନୋ ବଲ ଦର୍ଶାଇ ଥିଲେ ଅମ୍ପୟାର। ଏହାର ପରବର୍ତ୍ତୀ ଓଭରରେ ସେ ଲଗାତାର ୩ ଚୌକା ଲଗାଇଥିଲେ। ଶେଷରେ ୪୯ତମ ଓଭରରେ କାରିଙ୍କ ବଲରେ ଡାରଲିଂଟନଙ୍କ ହାତରେ କ୍ୟାଚ୍ ଆଉଟ୍ ହୋଇଥିଲେ ରାଣା।