ସାଉଥ୍ ଅଭିନେତା ନାଗା ଚୈତନ୍ୟ ଖୁବ ଶୀଘ୍ର ତାଙ୍କ ଗର୍ଲଫ୍ରେଣ୍ଡ ଶୋଭିତା ଧୁଲିପାଲାଙ୍କୁ ସାତ ଜନମର ସାଥୀ କରିବାକୁ ଯାଉଛନ୍ତି। ପ୍ରଶଂସକମାନେ ମଧ୍ୟ ଉଭୟଙ୍କ ବିବାହକୁ ନେଇ ବହୁତ ଉତ୍ସାହିତ ଅଛନ୍ତି। ନାଗା-ଶୋଭିତା ହାଇଦ୍ରାବାଦରେ ରାଜକୀୟ ବିବାହ କରିବେ। ଦୁହେଁ ପାରମ୍ପରିକ ଶୈଳୀରେ ବିବାହ କରିବାକୁ ଯାଉଛନ୍ତି। ଡିସେମ୍ବର ୪ରେ ଏହି ଗ୍ରାଣ୍ଡ ବିବାହ ଅନୁଷ୍ଠିତ ହେବାକୁ ଯାଉଛି।
ନାଗା ଏବଂ ଶୋଭିତାଙ୍କ ବିବାହ ନାଗାର୍ଜୁନଙ୍କ ‘ଅନ୍ନପୂର୍ଣ୍ଣା ଷ୍ଟୁଡିଓ’ରେ ହେବ। ଏହି ଷ୍ଟୁଡିଓରେ ଦମ୍ପତିଙ୍କର ସମସ୍ତ ବିବାହ ରୀତିନୀତି କରାଯିବ। ଏହି ବିବାହରେ ସାଉଥ୍ ସିନେ ଇଣ୍ଡଷ୍ଟ୍ରୀର ବହୁ ତାରକା ଯୋଗ ଦେବାର ସମ୍ଭାବନା ରହିଛି। ପରିବାର ଏବଂ ବିଶେଷ ବନ୍ଧୁଙ୍କ ବ୍ୟତୀତ ବହୁ ରାଜନେତା, ମୁଖ୍ୟମନ୍ତ୍ରୀ, ବିଧାୟକ ଏବଂ ଏମ୍ପିମାନେ ମଧ୍ୟ ଏହି ରାଜ ବିବାହ ଉତ୍ସବରେ ଯୋଗଦେବେ ବୋଲି ଆଶା କରାଯାଉଛି।
ନାଗା ଏବଂ ଶୋଭିତାଙ୍କ ବିବାହ ରୀତିନୀତି ମଧ୍ୟ ଆରମ୍ଭ ହୋଇଛି। କିଛି ଦିନ ପୂର୍ବରୁ ଶୋଭିତାଙ୍କୁ ନାଗାଙ୍କ ପରିବାର ସହିତ ଏକ ରୀତିନୀତି କରୁଥିବା ଦେଖିବାକୁ ମିଳିଥିଲା। ଯାହାର ଫଟୋ ସେ ସୋସିଆଲ ମିଡିଆରେ ମଧ୍ୟ ଶେୟାର କରିଥିଲେ।