ପଟ୍ଟାମୁଣ୍ଡାଇ,୪ା୬(ସ୍ବ.ପ୍ର.): କଟକ କେନ୍ଦ୍ର ସମବାୟ ବ୍ୟାଙ୍କ ପଟ୍ଟାମୁଣ୍ଡାଇ ଶାଖା ଅଧୀନରେ ୧୬ ସମବାୟ ସମିତି ରହିଛି । ସେଥିମଧ୍ୟରୁ ଖଡ଼ଇଣ୍ଟା ପ୍ରାଥମିକ କୃଷି ସମବାୟ ସମିତି ନିର୍ବାଚନ ସ୍ଥଗିତ ରଖାଯାଇଥିଲା ା ଗୁରୁବାର ପଟ୍ଟାମୁଣ୍ଡାଇ ପ୍ରାଥମିକ କୃଷି ସମବାୟ ସମିତି ନିର୍ବାଚନକୁ ନିର୍ବାଚନ ଅଧିକାରୀ ମୁଳତା ଦାସ ବିଧିବଦ୍ଧ ଭାବେ ନୋଟିସ ଜାରି କରି ସ୍ଥଗିତ ଘୋଷଣା କରିଥିଲେ। ପ୍ରାଥମିକ କୃଷି ସମବାୟ ସମିତିର ସମ୍ପାଦକ ଅନନ୍ତ କୁମାର ସାହୁ ଅନୁପସ୍ଥିତ ଥିବାରୁ ଚଳିତ ନିର୍ବାଚନକୁ ସ୍ଥଗିତ ରଖାଗଲା ବୋଲି ନିର୍ବାଚନ ଅଧିକରୀ ଜାରି କରିଥିବା ନୋଟିସରେ ଉଲ୍ଲେଖ କରିଥିଲେ । ଦାଖଲ ହୋଇଥିବା ୧୨ ସଭ୍ୟା/ସଭ୍ୟଙ୍କ ମନୋନୟନପତ୍ରକୁ ନିର୍ବାଚନ ଅଧିକାରୀ ମୁଳତା ଦାସ ଶୁକ୍ରବାର ନାକଚ କରିଛନ୍ତି । ମନୋନୟନପତ୍ର ନାକଚ ହୋଇଥିବା ପ୍ରାର୍ଥୀମାନେ ହେଲେ ବ୍ରଜବନ୍ଧୁ ଦାଶ, କୁମାରେଶ ନାୟକ, ରାମଚନ୍ଦ୍ର ନାୟକ, ଛବିଳତା ମାଲିକ, ମାନସ ରଞ୍ଜନ ମହାନ୍ତି, ଦିଲ୍ଲୀପ କୁମାର ମହାନ୍ତି, ମନୋରମା ବଳ, ରମେଶ ବିଶ୍ୱାଳ, ଅକ୍ଷୟ କୁମାର ଦାସ, ଅବିନାଶ ଲେଙ୍କା, ବିନୋଦ ବେହେରା, ପୂର୍ଣିମା ଲେଙ୍କା ।
ସୂଚନାଯୋଗ୍ୟ, ପଟ୍ଟାମୁଣ୍ଡାଇ ସମବାୟ ସମିତି ନିର୍ବାଚନକୁ ନେଇ ବିବାଦୀୟ ପରିସ୍ଥିତି ସୃଷ୍ଟି ହୋଇଥିଲା । ଏହି ନିର୍ବାଚନରେ ସମସ୍ତ ସରକାରୀ ନୀତି ନିୟମ ଓ ସମବାୟ ଆଇନକୁ ସମ୍ପୂର୍ଣ୍ଣ ଉଲ୍ଲଂଘନ କରାଯାଇଥିବା ନେଇ ଗୁରୁତର ଅଭିଯୋଗ ହୋଇଥିଲା । ଉକ୍ତ ସମବାୟ ସମିତିର ସଭ୍ୟ ସଂଖ୍ୟା ୨୩୩୬ ଥିବାବେଳେ ପ୍ରକୃତ ସଭ୍ୟ ତାଲିକା ପ୍ରକାଶ କରାଯାଇନାହିଁ ା ଏପରି କି ଜୋନ୍ ଚୟନରେ ଚଞ୍ଚକତା କରାଯାଇ ନିର୍ବାଚନକୁ ପ୍ରଭାବିତ କରିବା ପାଇଁ ଉଦ୍ୟମ କରାଯାଇଥିବା ନେଇ ଅଭିଯୋଗ ହୋଇଥିଲ। ଏଥିନେଇ ପଟ୍ଟାମୁଣ୍ଡାଇ ସମବାୟ ସମିତି ସଭ୍ୟ ସୁରେନ୍ଦ୍ର ଗିରି ନିର୍ବାଚନ ଅଧିକାରୀଙ୍କ ନିକଟରେ ଅଭିଯୋଗ କରିଥିଲେ । ଅନ୍ୟପକ୍ଷେ ସମବାୟ ସମିତିର ନିର୍ଦ୍ଦେଶକ ପଦବୀ ପାଇଁ ଚଞ୍ଚକତା କରି ମନୋନୟନପତ୍ର ଦାଖଲ କରାଯାଇଥିବା ଅଭିଯୋଗ ହୋଇଥିଲା । ବହୁ ପ୍ରାର୍ଥୀ ସମବାୟ ସମିତିର ଋ଼ଣ ଖିଲାପକାରୀ ଅଟନ୍ତି ବୋଲି ସେଥିରେ ଦର୍ଶାଯାଇଥିଲା। ଏ ସମ୍ପର୍କରେ ପଟ୍ଟାମୁଣ୍ଡାଇ ସମବାୟ ସମିତି ସମ୍ପାଦକ ଓ କଟକ କେନ୍ଦ୍ର ସମବାୟ ବ୍ୟାଙ୍କ ପଟ୍ଟାମୁଣ୍ଡାଇ ଶାଖା ପରିଚାଳକଙ୍କ ସ୍ବାକ୍ଷର ଥିବା ଦସ୍ତାବିଜକୁ ନିର୍ବାଚନ ଅଧିକାରୀଙ୍କ ନିକଟରେ ଦାଖଲ କରଯାଇଥିଲା । ପଟ୍ଟାମୁଣ୍ଡାଇ ସମବାୟ ସମିତି ନିର୍ବାଚନ ପାଇଁ ନିଯୁକ୍ତ ନିର୍ବାଚନ ଅଧିକାରୀ ଦାସ ଅଭିଯୋଗର ଶୁଣାଣୀ କରି ଆଇନ ଅନୁଯାୟୀ ପଦକ୍ଷେପ ନେବେ ବୋଲି କହିଥିଲେ ।
