ମୁମ୍ବାଇ: ପଟୌଦି ଖାନଦାନରେ ଜନ୍ମ ନେଇଥିବା ବଲିଉଡ୍ ଅଭିନେତ୍ରୀ ସୋହା ଅଲ୍ଲି ଖାଁ ତାଙ୍କର ୪୨ ତମ ଜନ୍ମଦିନ ପାଳନ କରୁଛନ୍ତି । ୧୯୭୮ ମସିହା ଅକ୍ଟୋବର ୪ରେ ଜନ୍ମ ନେଇଥିଲେ ସୋହା । ୩ ଭାଇଭଉଣୀଙ୍କ ମଧ୍ୟରେ ସୋହା ସବୁଠାରୁ ସାନ । ମନସୁର ଅଲି ପଟୌଦିଙ୍କ ଝିଅ ହେଉଛନ୍ତି ସୋହା । ମା’ ଶର୍ମିଳା ଟାଗୋର ବଲିଉଡ୍ର ଜଣେ ଆଗଧାଡିର ଅଭିନେତ୍ରୀ ଥିଲେ । ଏହାପରେ ଭାଇ ଶୈଫ ଅଲି ଖାଁ ବି ବଲିଉଡ୍ରେ ତିଆରି କରିଛନ୍ତି ନିଜର ଏକ ଭିନ୍ନ ପରିଚୟ । ସୋହାଙ୍କ ଭଉଣୀ ସବା ଅଲ୍ଲି ଖାଁଙ୍କର ରହିଛି ନିଜର ଏକ ଜୁଏଲାରୀ ବ୍ୟବସାୟ । ଦିଲ୍ଲୀର ବ୍ରିିଟିଶ ସ୍କୁଲରେ ପାଠ ପଢି ସାରିବା ପରେ ଅଧିକ ଅଧ୍ୟୟନ ପାଇଁ ସୋହା ଲଣ୍ଡନର ଅକ୍ସଫୋର୍ଡ ୟୁନିଭର୍ସିଟିରେ ନାମ ଲେଖାଇଥିଲ । ପାଠପଢାରେ ବହୁ ଆଗରେ ଥିଲେ ସୋହା । ଲଣ୍ଡନ ୟୁନିଭର୍ସିଟିରେ ପାଠପଢି ସାରିବା ପରେ ସେ ଲଣ୍ଡନ ସ୍କୁଲ ଅଫ୍ ଇକୋନୋମି୍କ୍ସ ଆଣ୍ଡ ପଲିଟିକାଲ ସାଇନ୍ସରେ ଅନ୍ତରାଷ୍ଟ୍ରୀୟ ସମ୍ପର୍କରେ ମାଷ୍ଟର ଡିଗ୍ରୀ କରିଛନ୍ତି । ଏହାପରେ ପାଠପଢା ସରିଯିବାରୁ ସେ ବ୍ୟାଙ୍କରେ କାମ କରିବା ଆରମ୍ଭ କରିଦେଇଥିଲେ । ବଲିଉଡ୍ରେ ନିଜର କ୍ୟାରିୟର ଗଢି ପାରି ନ ଥିବା ବେଳେ ପଟୌଦି ଖାନଦାନର ପିଲା ଭାବେ ବେଶ୍ ନାଁ ରହିଛି ସୋହାଙ୍କର । ୨୦୦୪ରେ ସେ ବେଙ୍ଗଲି ଫିଲ୍ମ ‘ଇତି ଶ୍ରୀକାନ୍ତା’ ମାଧ୍ୟମରେ ଅଭିନୟ କ୍ୟାରିୟର ଆରମ୍ଭ କରିଥିଲେ । ବଲିଉଡ୍ରେ ସେ ସାହିଦ କପୁରଙ୍କ ସହ ‘ଦିଲ ମାଙ୍ଗେ ମୋର’ ମାଧ୍ୟମରେ ଏଣ୍ଟ୍ରି କରିଥିଲେ । ୨୦୦୬ରେ ଫିଲ୍ମ ‘ରଙ୍ଗ ଦେ ବସନ୍ତି’ରେ ସେ ତାଙ୍କ ବଲିଉଡ୍ ପରିଚୟ ସୃଷ୍ଟି କରିଥିଲେ । ଏହି ଫିଲ୍ମ ପାଇଁ ତାଙ୍କୁ ଆଇଫା ଓ ଜିଫାର ବେଷ୍ଟ ସାପୋଟିଂ ଆକଟ୍ରେସ୍ ଆୱାର୍ଡ ମିଳିଥିଲା । ୨୦୧୫ରେ ସୋହା ନିଜର ପ୍ରେମିକ କୃଣାଳ ଖେମୁଙ୍କୁ ବିବାହ କରିଥିଲେ । ବିବାହ ପୁର୍ବରୁ କୃଣାଳ ତାଙ୍କୁ ୯ କୋଟି ଟଙ୍କାର ଏକ ଫ୍ଲାଟ ଗିପ୍ଟ ଦେଇଥିଲେ । ଏବେ ସୋହା ଗୋଟିଏ କନ୍ୟା ସନ୍ତାନର ଜନନୀ ହୋଇଥିବା ବେଳେ ଝିଅ ଇନାୟାକୁ ନେଇ ଖୁସିର ସଂସାର ଗଢି ବଲିଉଡରୁ ଏକ ପ୍ରକାର ଦୂରେଇ ଯାଇଛନ୍ତି ।