ଭୁବନେଶ୍ୱର,୨୭।୪: ରାଜ୍ୟର ପ୍ରମୁଖ ଘରୋଇ ସଂସ୍ଥା ତଥା ହର୍ଷପ୍ରିୟା ଗ୍ରୁପ୍ ଏବଂ ନୀଳାଚଳ ହୋମ୍ସର ମିଳିତ ସହଯୋଗରେ ଗଠିତ ଯୌଥ ଉଦ୍ୟୋଗ ହର୍ଷପ୍ରିୟା ନୀଳାଚଳ ଗ୍ରୁପ୍ର ବହୁ ପ୍ରତୀକ୍ଷିତ ପ୍ରକଳ୍ପ ‘ସଲିଟେୟାର’ର ଆନୁଷ୍ଠାନିକ ଉନ୍ମୋଚନ (ଅନାବରଣ) ହୋଇଯାଇଛି। ଏହି ପରିପ୍ରେକ୍ଷୀରେ ହର୍ଷପ୍ରିୟା ନୀଳାଚଳ ଗ୍ରୁପ୍ ପକ୍ଷରୁ ଶୁକ୍ରବାର ଏକ ଖବରଦାତା ସମ୍ମିଳନୀ ଭୁବନେଶ୍ୱରଠାରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ହର୍ଷପ୍ରିୟା ଗ୍ରୁପ୍ର ପରିଚାଳନା ନିର୍ଦ୍ଦେଶକ ଚେତନ କୁମାର ଟେକାରିୱାଲ,ହର୍ଷ ଟେକାରିଓ୍ବାଲଙ୍କ ସମେତ ନୀଳାଚଳ ହୋମ୍ସର ପରିଚାଳନା ନିର୍ଦ୍ଦେଶକ ଗୋଲକ ବିହାରୀ ଶତପଥୀ, ଅମିତ କୁମାର ଶତପଥୀ, ସୁବାସ ମିଶ୍ର ଏବଂ ନିରଜ ଅଗ୍ରଓ୍ବାଲ ପ୍ରମୁଖ ଉପସ୍ଥିତ ଥିଲେ।
ଏ ସମ୍ପର୍କରେ ହର୍ଷପ୍ରିୟା ଗ୍ରୁପର ପରିଚାଳନା ନିର୍ଦ୍ଦେଶକ ଚେତନ କୁମାର ଟେକାରିୱାଲ କହିଛନ୍ତି, ଭୁବନେଶ୍ୱରରେ ବିଳାସ ଓ ଉଦ୍ଭାବନର ପ୍ରକୃତ ପ୍ରତିଫଳନ ସଲିଟେୟାରକୁ ଉପସ୍ଥାପିତ କରି ଆମେ ବେଶ୍ ଉତ୍ସାହିତ ଅଛୁ। ଏପରିକି ସଲିଟେୟାର ସହିତ ଆମର ଲକ୍ଷ୍ୟ କେବଳ ପୂରଣ କରିବା ନୁହେଁ ବରଂ ସମକାଳୀନ ଘରମାଲିକଙ୍କ ଆଶାକୁ ପୂରଣ କରିବା ସହ ସେମାନଙ୍କୁ ଆରାମ, ସୁନ୍ଦରତା ଏବଂ ଅତ୍ୟାଧୁନିକ ସୁବିଧାର ମିଶ୍ରଣ ପ୍ରଦାନ କରିବାକୁ ପ୍ରୟାସ ରହିଛି। ଏହି ପ୍ରକଳ୍ପରେ ଏକ ୨୧ମହଲା ବିଶିଷ୍ଟ ହାଇରାଇଜ୍ ଟାୱାର ରହିଛି, ଯେଉଁଥିରେ ଅତ୍ୟାବଶ୍ୟକ କମର୍ସିଆଲ ଏରିଆ ସହିତ ୧୯୨ଟି ଆବାସିକ ୟୁନିଟ୍ ରହିଛି। ଏଥିରେ ସବୁ ସ୍ଥାୟୀ ଏବଂ ଆଧୁନିକ ସ୍ଥାପତ୍ୟ ଦୃଷ୍ଟିକୋଣ ସହିତ ଡିଜାଇନ୍ କରାଯାଇଛି। ଖଣ୍ଡଗିରି ଛକ ନିକଟରେ ଅବସ୍ଥିତ ସଲିଟେୟାର ଏକ ଶାନ୍ତ ଜୀବନଯାପନ ସ୍ଥାନର ସୁବିଧା ଉପଲବ୍ଧ କରାଇବ। ସେହିଭଳି ନୀଳାଚଳ ହୋମ୍ସର ପରିଚାଳନା ନିର୍ଦ୍ଦେଶକ ଗୋଲକ ବିହାରୀ ଶତପଥୀ କହିଥିଲେ, ସଲିଟେୟାର ଏକ ବହୁତଳ ବିଶିଷ୍ଟ ଅଟ୍ଟାଳିକା ହୋଇଥିଲାବେଳେ ପ୍ରକଳ୍ପର ଡୁଆଲ ବେସ୍ମେଣ୍ଟ ପାର୍କିଂ ସହିତ ପରିବେଶ ଅନୁକୂଳ ନିର୍ମାଣ ଏବଂ ଜୀବନଧାରଣ ଅନୁଭୂତିକୁ ବଢ଼ାଇବା ପାଇଁ ପ୍ରସ୍ତୁତ ଅନେକ ସୁବିଧା ସୁଯୋଗ ଉପଲବ୍ଧ। ଏପରିକି ଉଦ୍ୟାନଠାରୁ ଆରମ୍ଭକରି ଉନ୍ନତ ସୁରକ୍ଷା ବ୍ୟବସ୍ଥାର ଡିଜାଇନ ଗ୍ରାହକଙ୍କ ଆବଶ୍ୟକ ଏବଂ ପରିବେଶ ସହ ସମନ୍ବୟ ସୁନିଶ୍ଚିତ କରିବା ପାଇଁ ପ୍ରସ୍ତୁତ କରାଯାଇଛି।
