ନୂଆଦିଲ୍ଲୀ,୮।୩: ୨୦୨୪ ଲୋକସଭା ନିର୍ବାଚନ ପାଇଁ କଂଗ୍ରେସ ପ୍ରଥମ ତାଲିକା ପ୍ରକାଶ କରିଛି। ଦଳ ପ୍ରଥମ ତାଲିକାରେ ମୋଟ ୩୯ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି। ପ୍ରଥମ ତାଲିକାରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ, ଶଶି ଥରୁର, ରାଜେନ୍ଦ୍ର ସାହୁ, କେସି ଭେଣୁୁଗୋପାଲ ଏବଂ ଅନ୍ୟ ବହୁ ବଡ ନେତାଙ୍କ ନାମ ରହିଛି। କିନ୍ତୁ ତାଲିକାରେ ଏମିତି ଅନେକ ନେତା ଅଛନ୍ତି ଯାହାଙ୍କ ଟିକେଟ କଟିଛି ଏବଂ କେତେକଙ୍କ ଆସନ ବଦଳାଯାଇଛି। ଆସନ୍ତୁ ଜାଣିବା କାହାର ଟିକେଟ୍ କଟିଛି।
ତାଲିକାରେ ରାହୁଲ ଆମେଥିରୁ ନିର୍ବାଚନ ଲଢିବେ କି ନାହିଁ ତାହା କଂଗ୍ରେସ ଉଲ୍ଲେଖ କରି ନାହିଁ। ସାମ୍ବାଦିକ ସମ୍ମିଳନୀରେ କେସି ଭେଣୁଗୋପାଳ କହିଛନ୍ତି, ପରବର୍ତ୍ତୀ ସିଇସି ବୈଠକ ମାର୍ଚ୍ଚ ୧୧ରେ ଅନୁଷ୍ଠିତ ହେବ। ଯେଉଁଥିରେ ଦ୍ୱିତୀୟ ତାଲିକାରେ ଅନ୍ତର୍ଭୁକ୍ତ ପ୍ରାର୍ଥୀଙ୍କ ନାମ ଉପରେ ଆଲୋଚନା କରାଯିବ। ଏହି ତାଲିକାରେ ପ୍ରିୟଙ୍କା ଗାନ୍ଧୀଙ୍କ ନାମ ରହିବ।
ସୂଚନାଯୋଗ୍ୟ, ଦକ୍ଷିଣ ରାଜ୍ୟର ଅଧିକାଂଶ ଆସନ ପାଇଁ କଂଗ୍ରେସ ତାଲିକାରେ ପ୍ରାର୍ଥୀଙ୍କ ନାମ ଘୋଷଣା କରିଛି। ଛତିଶଗଡରେ ୬ଟି ଆସନ, କର୍ନାଟକରେ ୭ଟି ଆସନ, କେରଳର ୧୬ ଟି ଆସନ, ୨ଟି ମେଘାଳୟ, ନାଗାଲାଣ୍ଡ, ସିକିମ, ତ୍ରିପୁରାରେ ୧ ଆଉ ତେଲଙ୍ଗାନା ରେ ୪ଜଣ ପ୍ରାର୍ଥୀଙ୍କ ନାମଘୋଷଣା କରିଛି।
ଭଦକରା ଆସନରୁ କନ୍ନତ ମୁରଲୀଧରନଙ୍କ ସ୍ଥାନରେ କଂଗ୍ରେସ ଏଥର ସଫି ପରମ୍ବିଲଙ୍କୁ ସୁଯୋଗ ଦେଇଛି। ମୁରଲୀଧରନଙ୍କୁ ତ୍ରିସୁରରୁ ଟିକେଟ ଦିଆଯାଇଛି। ଏହା ବ୍ୟତୀତ କଂଗ୍ରେସ ଅଲପୁଜା ଆସନରୁ ଶାନିମୋଲ ଉସମାନଙ୍କ ଟିକେଟ ବାତିଲ କରିଛି। ଏଥର କେସି ଭେଣୁଗୋପାଳଙ୍କୁ ତାଙ୍କ ଆସନରୁ ହଟାଇ ଦିଆଯାଇଛି। ନାଲଗୋଣ୍ଡା ଆସନରୁ ଏନ ଉତ୍ତମ କୁମାର ରେଡ୍ଡୀ ସାଂସଦ ଥିଲେ, କିନ୍ତୁ ରଘୁବୀର କୁଣ୍ଡୁରଙ୍କୁ ତାଙ୍କ ସ୍ଥାନରେ ଟିକେଟ ଦିଆଯାଇଛି।
