ଭଞ୍ଜନଗର,୨୯।୧୦(ଡି.ଏନ୍.ଏ.): ପୁତୁରା ଆକ୍ରମଣରେ ଘଟିଛି କକାଙ୍କ ମୃତ୍ୟୁ। ଏଭଳି ଏକ ଘଟଣା ଘଟିଛି ତାରସିଂଙ୍ଗି ଥାନା ଅନ୍ତର୍ଗତ ମହୁଲ ପାଟଣା ଗ୍ରାମରେ। ମୃତକ ଜଣଙ୍କ ହେଲେ କୃଷ୍ଣ ଖିଲାର । ଖବର ପାଇ ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ଭଞ୍ଜନଗର ହସ୍ପିଟାଲକୁ ପଠାଇଛି। ଜମି ଜମା ବିବାଦକୁ କେନ୍ଦ୍ରକରି ଏହି ହତ୍ୟାକାଣ୍ଡ ଘଟିଥିବା ଜଣାପଡିଛି।
ଅଭିଯୁକ୍ତ ପୁତୁରା ଘଟଣା ପରଠୁ ଫେରାର ହୋଇଯାଇଛନ୍ତି।
ସୂଚନାନୁସାରେ, ଗୁରୁବାର ସାରେ କୃଷ୍ଣ ଜମିରୁ କାମସାରି ଫେରୁଥିଲେ। ଏହି ସମୟରେ ପୂର୍ବରୁ ଏକ ନିଛାଟିଆ ସ୍ଥାନରେ ପ୍ରସ୍ତୁତ ହୋଇ ରହିଥିବା ପୁତୁରା ସୁବାସ ବିଷୋୟୀ ହଠାତ୍ ତାଙ୍କୁ ଠେଙ୍ଗାରେ ଆକ୍ରମଣ କରିଥିଲେ। ଫଳରେ ଘଟଣାସ୍ଥଳରେ କୃଷ୍ଣଙ୍କ ମୃତ୍ୟୁ ଘଟିଥିଲା। ରାତିରେ ପରିବାର ଲୋକେ ଖୋଜାଖୋଜି କରିଥିଲେ ମଧ୍ୟ ତାଙ୍କର କୌଣସି ପତ୍ତା ପାଇପାରି ନ ଥିଲେ। ଶୁକ୍ରବାର ସକାଳେ ମୃତଦେହକୁ ମିଳିବା ପରେ ପୋଲିସକୁ ସୂଚନା ଦେଇଥିଲେ। ସାଇଣ୍ଟିଫିକ୍ ଟିମ୍ ଆସି ଘଟଣାର ତଦନ୍ତ କରିଛନ୍ତି ।