ନୂଆଦିଲ୍ଲୀ,୨୪।୧୧ : ରାହୁଲ ଗାନ୍ଧୀଙ୍କ ନେତୃତ୍ୱରେ ଜାରି ରହିଥିବା ଭାରତ ଯୋଡୋ ଯାତ୍ରା ମଧ୍ୟପ୍ରଦେଶରେ ପହଞ୍ଚିଛି। ଗୁରୁବାର ପ୍ରିୟଙ୍କା ଗାନ୍ଧୀ ଭଦ୍ରା ଏବଂ ରବର୍ଟ ଭଦ୍ରାଙ୍କ ବ୍ୟତୀତ ସେମାନଙ୍କ ପୁଅ ରେହାନ ମଧ୍ୟ ପ୍ରଥମ ଥର ପାଇଁ ଏହି ଯାତ୍ରାରେ ଭାଗ ନେଇଛନ୍ତି। ସେ ରାହୁଲ ଗାନ୍ଧୀଙ୍କ ସହ ପଦଯାତ୍ରାରେ ଅଂଶଗ୍ରହଣ କରି କଂଗ୍ରେସ କର୍ମୀ ଏବଂ ସମର୍ଥକମାନଙ୍କୁ ଉତ୍ସାହିତ କରିଥିଲେ।
ଭାରତ ଯୋଡୋ ଯାତ୍ରା ଗତକାଲି ମଧ୍ୟପ୍ରଦେଶରେ ପହଞ୍ଚିଥିଲା। ରାହୁଲ ଗାନ୍ଧୀଙ୍କ ଯାତ୍ରା ମହାରାଷ୍ଟ୍ରର ଜାଲଗାଓଁ ଜାମୋଦର ଜାସୋଣ୍ଡି ଗ୍ରାମ ଦେଇ ବୁରହାନପୁର ଦେଇ ମଧ୍ୟପ୍ରଦେଶରେ ପ୍ରବେଶ କରିଥିଲା। ରାହୁଲ ଗାନ୍ଧୀଙ୍କୁ ସୱାଗତ କରିବା ପାଇଁ ଏଠାରେ ସ୍ବତନ୍ତ୍ର ବ୍ୟବସ୍ଥା କରାଯାଇଥିଲା। ସୱାଗତ ପରେ ରାହୁଲ ଗାନ୍ଧୀ ସେଠାରେ ଉପସ୍ଥିତ ଥିବା ଲୋକ ଏବଂ ଦଳୀୟ କର୍ମୀଙ୍କୁ ମଧ୍ୟ ସମ୍ବୋଧିତ କରିଥିଲେ।
