ମୁମ୍ବାଇ: କାନ୍ଧ ପର୍ଯ୍ୟନ୍ତ ଲମ୍ବିଥିବା ଝୁମ୍କା, ଧଳା ରଙ୍ଗର ପଲାଜୋ ଶୁଟ୍, ଗୋଲାପି ମ୍ୟାଟ ଲିପଷ୍ଟିକ, ହାତରେ ମୋଟା ସୁନା ମୁଦି ଏମିତି ଲୁକ୍ରେ ଦେଖାଦେଇଛନ୍ତି ଶତ୍ରୁଘ୍ନ ସିହ୍ନାଙ୍କ ଝିଅ ତଥା ବଲିଉଡ୍ ବିୟୁଟି ସୋନାକ୍ଷୀ ସିହ୍ନା । ଏହାର ଫଟୋ ସେ ସୋସିଆଲ ମିଡିଆରେ ଅପଲୋଡ କରିବା ପରେ ଏବେ ଏହା ଭାଇରାଲ ହେବାରେ ଲାଗିଛି । ସବୁବେଳେ ଅନ୍ୟ ନାୟିକାଙ୍କଠାରୁ ସାମାନ୍ୟ କମ୍ ମେକ୍ଅପ୍ ନେବାକୁ ପସନ୍ଦ କରନ୍ତି ସୋନାକ୍ଷୀ । ଏଥର ବି ସେମିତି ଲୁକରେ ଦେଖାଦେଇଛନ୍ତି ନାୟିକା । ନିଜର ହାଲ୍କା-ଫୁଲ୍କା ଅନ୍ଦାଜରେ ଦର୍ଶକଙ୍କ ହୃଦୟ ଜିତି ପାରିଛନ୍ତି ସୋନାକ୍ଷୀ । ଏଥର କିନ୍ତୁ ତାଙ୍କର ଏହି ଲୁକ୍ କୌଣସି ଫିଲ୍ମ ଶୁଟିଂର ନୁହେଁ ବରଂ ଏକ ବିବାହ ଉତ୍ସବରେ ଯୋଗ ଦେବାର । ଏହି ଫଟୋ ଶେୟାର କରିବା ସମୟରେ ସେ ଯାହା ଭାବିଥିଲେ ଏବେ ତାହାହିଁ ହୋଇଛି । ଫଟୋଟି ଦେଖି ତାଙ୍କ ପ୍ରଶଂସକ ପଚାରିଛନ୍ତି କେବେ ବିବାହ କରୁଛନ୍ତି ସୋନାକ୍ଷୀ । ହେଲେ ସେ ସ୍ପଷ୍ଟ କରିଛନ୍ତି ଯେ ଏହା ତାଙ୍କ ବିବାହ ନୁହେଁ ବରଂ ତାଙ୍କ ସାଙ୍ଗର ବିବାହରେ ଯୋଗଦେବାକୁ ସେ ଏମିତି ଲୁକ୍ରେ ନଜର ଆସିଛନ୍ତି ।