ମୁମ୍ବାଇ: ବଲିଉଡର ବିଗତ ଦିନର ଆଗଧାଡିର ନାୟିକା ସୋନାଲି ବେନ୍ଦ୍ରେ ନିଜର ନିଖୁଣ ଅଭିନୟ ପାଇଁ ଦର୍ଶକଙ୍କ ମନରେ ତିଆରି କରିଛନ୍ତି ନିଜର ଏକ ସ୍ୱତନ୍ତ୍ର ପରିଚୟ । ଏବେ ସେ ଯଦିଓ ବଲିଉଡଠାରୁ ଟିକେ ଦୂରେଇ ରହିଛନ୍ତି ହେଲେ କିଛି ବର୍ଷ ପରେ ସେ ଅଭିନୟକୁ ଫେରିଛନ୍ତି । ନିକଟରେ ସେ ଦେଇଥିବା ସାକ୍ଷାତକାରକୁ ନେଇ ଏବେ ଚର୍ଚ୍ଚା ଯୋର ଧରିଛି । ସୋନାଲି ଏହି ସାକ୍ଷାତକାରରେ ବଲିଉଡ ଇଣ୍ଡଷ୍ଟ୍ରିକୁ ନେଇ ଏକ ଚମକାଇବା ଭଳି କଥା କହିଛନ୍ତି । ସେ କହିଛନ୍ତି ଅଣ୍ଡରୱାର୍ଲଡ ପ୍ରଭାବରେ ବଲିଉଡ । ତେବେ ସମୟ ଥିଲା ଯେତେବେଳେ ଅଣ୍ଡରୱାର୍ଲଡ ପ୍ରଭାବରେ ବଲିଉଡ ଥିଲା ସେତେବେଳେ ତାଙ୍କୁ କିଛି ଫିଲ୍ମ ଛାଡିବାକୁ ପଡିଥିଲା ବୋଲି ସେ କହିଛନ୍ତି । ପ୍ରଥମେ ପ୍ରଥମେ ସେ ଏକଥା ବୁଝି ପାରୁ ନ ଥିବା ବେଳେ ତାଙ୍କ ବୟଫ୍ରେଣ୍ଡ ତଥା ବର୍ତ୍ତମାନର ସ୍ୱାମୀ ଗୋଲଡିଙ୍କ ଜରିଆରେ ଏ ସମ୍ପର୍କରେ ସେ ବୁଝିପାରିଥିଲେ ।
ସୋନାଲି କହିଛନ୍ତି, ବିଭିନ୍ନ ସୋର୍ସରୁ ଫିଲ୍ମ ପାଇଁ ଫାଇନାନ୍ସ କରାଯାଇଥାଏ । ହେଲେ ସେମାନଙ୍କୁ ଉଚିତ, ଔପଚାରିକ ଇଣ୍ଡଷ୍ଟ୍ରିର ମାନ୍ୟତା ମିଳି ନ ଥାଏ । ସେଥିପାଇଁ ଅନେକ ଅନିୟନ୍ତ୍ରିତ ଫାଇନାନ୍ସ ବି ଆସିଥାଏ । ଯାହାକୁ ବ୍ୟାଙ୍କ ଦେଇ ନ ଥାଏ । ତେଣୁ ଇଣ୍ଡଷ୍ଟ୍ରିରେ ଅଣ୍ଡରୱାର୍ଲଡର ପ୍ରଭାବ ଯୋଗୁ ତାଙ୍କୁ କିଛି ଫିଲ୍ମ ଛାଡିବାକୁ ପଡିଛି ବୋଲି ସେ କହିଛନ୍ତି । କିଛି ଅଫର ତାଙ୍କ ପାଖରେ ଥିଲେ ବି କିଛି କାରଣ ନ ଥାଇ ଏହା ଆଉ କାହା ପାଖକୁ ଚାଲିଯାଇଥାଏ । ଏହାପରେ ଡାଇରେକ୍ଟର ଅବା କୋ ଆକ୍ଟର ଫୋନ କରି କହିଥାଆନ୍ତି କି ମୋ ଉପରେ ପ୍ରେସର ରହିଛି ଆଉ ମୁଁ ଏହାକୁ ନେଇ କିଛି କରିପାରିବି ନାହିଁ । ଏହାପରେ ମୁଁ ବୁଝିଯାଇଥାଏ ।
ଜୁନ ୧୦ରେ ଜି୫ରେ ରିଲିଜ ହୋଇଛି ସୋନାଲିଙ୍କ ମୁଭି ‘ଦ ବ୍ରୋକେନ ନ୍ୟୁଜ’ । ଏଥିରେ ସୋନାଲିଙ୍କ ସହ ଜୟଦିପ ଅହଲାବତ, ଶ୍ରିୟା ପିଲଗାଓଁକର ଲିଡ ରୋଲରେ ଅଛନ୍ତି ।