ମୁମ୍ବାଇ: ବଲିଉଡ୍ ନାୟିକା ସୋନମ କପୁର ଏବେ ସୋସିଆଲ ମିଡିଆରେ ଖୁବ୍ ଆକ୍ଟିଭ । ଶନିବାର ସେ ତାଙ୍କ ଇନଷ୍ଟାଗ୍ରାମରେ ଏକ ପୋଷ୍ଟ କରି ସମସ୍ତଙ୍କୁ ଚମକାଇ ଦେଇଛନ୍ତି । ଏଥିରେ ସେ ସ୍ମାଇଲିଂ ଫେସର ଏକ ଫଟୋ ଶେୟାର କରିବା ସହ ଲେଖିଛନ୍ତି । ମୋ ଲାଇଫରେ ଜଣେ ଏଣ୍ଟ୍ରି କରିବାକୁ ଯାଉଛନ୍ତି ସମୱାନ ସ୍ପେଶାଲ । ହେଲେ ସେ କିଏ ତାହ ସେ ସ୍ପଷ୍ଟ କରି ନାହାନ୍ତି । ତାଙ୍କର ପ୍ରଶଂସକ ସୋନମଙ୍କ ଏହି ପୋଷ୍ଟକୁ ଦେଖି ହାର୍ଟ ଇମୋଜି ଦେଇ କମେଣ୍ଟ କରିବା ସହ କେହି କେହି ସେ ଗର୍ଭବତୀ ଥିବା ଅନୁମାନ ଲଗାଇଛନ୍ତି । ହେଲେ ସୋନମ କହିଛନ୍ତି ସମୱାନ ସ୍ପେଶାଲ ପାଇଁ ମୋର ଯେଉଁ ଫିଲିଙ୍ଗସ୍ ତାହା ମୁଁ ବର୍ଣ୍ଣନା କରିପାରିବି ନାହିଁ । ଏହାସହ ଏକଥା ବି ଆପଣମାନେ ଖୁବ୍ଶୀଘ୍ର ଜାଣିପାରିବେ ବୋଲି ସୋନମ କହିଛନ୍ତି । ସୂଚନାଯୋଗ୍ୟ, ନିକଟରେ ସେ ପ୍ରେଗନେଣ୍ଟ ଥିବା ସୋସିଆଲ ମିଡିଆରେ ପ୍ରସାରିତ ହେବା ପରେ ସେ ଟ୍ରୋଲର ଶିକାର ହୋଇଥିଲେ । ଅନିଲ କପୁରଙ୍କ ଲାଡଲି ସୋନମ ଦୀର୍ଘ ପ୍ରାୟ ବର୍ଷେ ପରେ ଲଣ୍ଡନରୁ ମୁମ୍ବାଇ ଆସିଛନ୍ତି ।