ମୁମ୍ବାଇ: ବଲିଉଡ୍ରେ ଏମିତି କେତେଜଣ କଳାକାର ଅଛନ୍ତି ଯେଉଁମାନେ ସ୍କ୍ରିପ୍ଟ ପସନ୍ଦ ଆସିଲେ ବି ବେଳେବେଳେ କାମ କରିବାକୁ ମନା କରି ଦେଇଥାଆନ୍ତି । ଆଉ ଏହା ପଛର କାରଣ ଥାଏ ପାରିଶ୍ରମିକ ତାଙ୍କର ପସନ୍ଦ ହୋଇ ନ ଥାଏ । ହେଲେ ଆଉ କେତେଜଣ କଳାକାର ଅଛନ୍ତି ଯେଉଁମାନେ ସ୍କ୍ରିପ୍ଟ ପସନ୍ଦ ଆସିଲା ପରେ ପାରିଶ୍ରମିକ ଉପରେ ଆଉ ଏତେଟା ଧ୍ୟାନ ଦେଇ ନ ଥାଆନ୍ତି । ଏମିତିକି ଫ୍ରି ରେ ବି କାମ କରିବାକୁ ରାଜି ହୋଇଥାଆନ୍ତି । ଫିଲ୍ମ ମେକର ରାକେଶ ଓମ ପ୍ରକାଶ ମେହେରା ନିଜର ଅଟୋବାୟୋଗ୍ରାଫି ‘ଦ ଷ୍ଟ୍ରେଞ୍ଜର ଇନ୍ ଦ ମିରର’ରେ ଚମକାଇବା ଭଳି ଏକ ତଥ୍ୟ ଦେଇଛନ୍ତି । ଏଥିରେ ସେ ତାଙ୍କ ଫିଲ୍ମ ‘ଭାଗ ମିଲଖା ଭାଗ’ ରେ ସୋନମ କପୁର ନେଇଥିବା ଫିଜ୍ ବିଷୟରେ ଚର୍ଚ୍ଚା କରିଛନ୍ତି । ଏହି ଫିଲ୍ମରେ ସୋନମ କପୁରଙ୍କର ବେଶି ରୋଲ୍ ନ ଥିଲେ ବି ଏଥିରେ ସେ ଅଭିନୟ କରିବାକୁ ମାତ୍ର ୧୧ ଟଙ୍କା ପାରିଶ୍ରମିକ ନେଇଥିବା ରାକେଶ କହିଛନ୍ତି । ଏହା ପଛର କାରଣ ହେଉଛି ଫିଲ୍ମଟି ତାଙ୍କୁ ବହୁତ ପସନ୍ଦ ଆସିଥିଲା ଓ ସେଥିରେ ସେ ନିଜର ଯୋଗଦାନ ଦେବାକୁ ଚାହିଁଥିଲେ । ଆତ୍ର ୭ ଦିନରେ ସୋନମ ଏହାର ଶୁଟିଂ ସାରିଥିଲେ । ନିକଟରେ ରାକେଶ ଓମ ପ୍ରକାଶ ମେହେରାଙ୍କ ଫିଲ୍ମ ତୁଫାନ ରିଲିଜ ହୋଇଥିଲା । ଆଗକୁ ମଧ୍ୟ ତାଙ୍କର ଆଉ ଏକ ପ୍ରୋଜେକ୍ଟର କାମ ଚାଲିଛି ।