କର୍ନାଟକରେ ବିଜୟ ପରେ ଏବେ ତେଲେଙ୍ଗାନାରେ କଂଗ୍ରେସ ଆପଣାଇବ ୫ଜି ଫର୍ମୁଲା! ସେପ୍ଟେମ୍ବର ୧୭ରେ ଘୋଷଣା କରିବେ ସୋନିଆ

ନୂଆଦିଲ୍ଲୀ,୧୦।୯: କଂଗ୍ରେସ ତେଲେଙ୍ଗାନାରେ ବିଧାନସଭା ନିର୍ବାଚନ ପୂର୍ବରୁ ଏକ ଜନସଭାରେ ରାଜ୍ୟବାସୀଙ୍କ ପାଇଁ ପାଞ୍ଚ ‘ଗ୍ୟାରେଣ୍ଟି’ର ଘୋଷଣା କରିବ।

କଂଗ୍ରେସ ତେଲେଙ୍ଗାନା ୟୁନିଟ ସଭାପତି ତଥା ଏମପି ଏ ରେଭଂତ ରେଡ୍ଡୀ କହିଛନ୍ତି ଯେ ବରିଷ୍ଠ କଂଗ୍ରେସ ନେତା ସୋନିଆ ଗାନ୍ଧୀ ସେପ୍ଟେମ୍ବର ୧୭ରେ ଏକ ରାଲିରେ ପାଞ୍ଚଟି ନିର୍ବାଚନ ଗ୍ୟାରେଣ୍ଟି ଘୋଷଣା କରିବେ।
ପାର୍ଟି ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କ ଅଧ୍ୟକ୍ଷତାରେ ନବ ଗଠିତ କଂଗ୍ରେସ କାର୍ଯ୍ୟନିର୍ବାହୀ କମିଟିର ପ୍ରଥମ ବୈଠକ ସେପ୍ଟେମ୍ବର ୧୬ରେ ହାଇଦ୍ରାବାଦରେ ଅନୁଷ୍ଠିତ ହେବ ବୋଲି ଘୋଷଣା କରିସାରିଛି। ସେଠାରେ ସେପ୍ଟେମ୍ବର ୧୭ରେ କଂଗ୍ରେସ ୱାର୍କିଂ କମିଟି (ସିଡବ୍ଲୁସି)ର ଏକ ବୈଠକ ଅନୁଷ୍ଠିତ ହେବ ଯେଉଁଥିରେ ସମସ୍ତ ରାଜ୍ୟ କଂଗ୍ରେସ କମିଟି (ପିସିସି) ମୁଖ୍ୟ ଅଂଶଗ୍ରହଣ କରିବେ।
ଆସନ୍ତା ମାସରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ କଂଗ୍ରେସ ‘କୃଷକ ମାନିଫେଷ୍ଟୋ’, ‘ଏସସି, ଏସଟି ମନିଫେଷ୍ଟୋ’ ଏବଂ ’ଯୁବ ମନିଫେଷ୍ଟୋ’ ପ୍ରକାଶ କରିଛି ଯେଉଁଥିରେ ତେଲେଙ୍ଗାନାର ଭୋଟରଙ୍କୁ ଦିଆଯାଇଥିବା ପ୍ରତିଶ୍ରୁତି ରହିଛି। ବାସ୍ତବରେ ପଡୋଶୀ କର୍ଣ୍ଣାଟକରେ ଅନୁଷ୍ଠିତ ବିଧାନସଭା ନିର୍ବାଚନରେ କଂଗ୍ରେସ ଘୋଷଣା କରିଥିବା ପାଞ୍ଚଟି ଗ୍ୟାରେଣ୍ଟି ଦଳର ସଫଳତା ପାଇଁ ଗୁରୁତ୍ୱପୂର୍ଣ୍ଣ ବିବେଚନା କରାଯାଏ।