ନୂଆଦିଲ୍ଲୀ,୭।୨: ଦେଶର ପ୍ରମୁଖ ଟ୍ରାକ୍ଟର ରପ୍ତାନି ବ୍ରାଣ୍ଡ୍ ସୋନାଲିକା ଟ୍ରାକ୍ଟର୍ସ ଚଳିତ ବର୍ଷ ଜାନୁୟାରୀରେ ମୋଟ ୯,୭୪୧ଟି ଟ୍ରାକ୍ଟର ବିକ୍ରି କରିଥିବା ଜଣାପଡିଛି। ଏପରିକି କମ୍ପାନୀର ବିକ୍ରି ପରିମାଣ ଜାନୁୟାରୀରେ ପ୍ରାୟ ୨୬% ଅଭିବୃଦ୍ଧିର ଏକ ଉଲ୍ଲେଖନୀୟ ସଫଳତା ହାସଲ କରିଛି। ବିଶେଷକରି କମ୍ପାନୀର ଅଫିସିଆଲ ୱେବ୍ସାଇଟ୍ରେ ମଧ୍ୟ ବ୍ରାଣ୍ଡ୍ର ସମସ୍ତ ଟ୍ରାକ୍ଟର ମୂଲ୍ୟକୁ ଉନ୍ମୋଚନ କରିବାର ଏକ ଅତୁଳନୀୟ ପଦକ୍ଷେପ ଗ୍ରହଣ କରିଛି। ଏ ସମ୍ପର୍କରେ ଇଣ୍ଟରନ୍ୟାଶନାଲ ଟ୍ରାକ୍ଟର୍ସ ଲିମିଟେଡ୍ର ଯୁଗ୍ମ ପରିଚାଳନା ନିର୍ଦ୍ଦେଶକ ରମଣ ମତ୍ତଲ କହିଛନ୍ତି, ସୋନାଲିକା ଟ୍ରାକ୍ଟର୍ସରେ ଆମେ କୃଷକଙ୍କ ସମୃଦ୍ଧି ଓ ଆୟ ବୃଦ୍ଧି ପାଇଁ ନିରନ୍ତର ଉଦ୍ଭାବନ ଜାରି ରଖଛୁ। ଏପରିକି ଆମର ସ୍ବତନ୍ତ୍ର ଆଭିମୁଖ୍ୟ ଆମ ଡିଏନ୍ଏରେ ଗଭୀର ଭାବେ ଅନ୍ତର୍ନିହିତ ରହିଛି, ବିଶେଷକରି ଅଭିନବ ଉତ୍ପାଦ ଲଞ୍ଚ କରିବା ସହ ଆମେ ୱେବ୍ସାଇଟ୍ରେ ମଧ୍ୟ ଟ୍ରାକ୍ଟର ମୂଲ୍ୟ ଉନ୍ମୋଚନ କରିବା ଭଳି ସ୍ବତନ୍ତ୍ର ପଦକ୍ଷେପ ଗ୍ରହଣ କରୁଛୁ, ଯାହା କୃଷି ସମୁଦାୟ ମଧ୍ୟରେ ଏକ ପ୍ରକାରର ବିପ୍ଳବ ସୃଷ୍ଟି କରିଛି। ଏଭଳି ପଦକ୍ଷେପ ଦ୍ୱାରା ଆମର ବର୍ଦ୍ଧିତ ଉପତ୍ାଦ ପୋର୍ଟଫୋଲିଓରେ ଟ୍ରାକ୍ଟର କ୍ରୟ ପ୍ରକ୍ରିୟାରେ ସ୍ବଚ୍ଛତା ସୁନିଶ୍ଚିତ ହୋଇପାରୁଛି, ଫଳରେ ଚାଷୀଙ୍କ ଏକ ବଡ ସମସ୍ୟାର ସମାଧାନ ହୋଇପାରିଛି। ଏହା ଆମକୁ ୨୦୨୩ ଜାନୁୟାରୀରେ ଶିଳ୍ପ ଅଭିବୃଦ୍ଧିକୁ ପଛରେ ପକାଇ ୯୭୪୧ଟି ଟ୍ରାକ୍ଟର ବିକ୍ରି ସହ ୨୬% ଅଭିବୃଦ୍ଧି ହାସଲ କରିବାକୁ ସକ୍ଷମ କରିଛି।