ମୁମ୍ବାଇର ଚେମ୍ବୁରଠାରେ ସୋମବାର ରାତିରେ ଏକ ସଙ୍ଗୀତ କାର୍ଯ୍ୟକ୍ରମ ଚାଲିଥିବାବେଳେ ଗାୟକ ସୋନୁ ନିଗମଙ୍କ ଉପରେ ଆକ୍ରମଣ ହୋଇଛି। ଉଦ୍ଧବ ଠାକ୍ରେ ଗୋଷ୍ଠୀର ଜଣେ ଶିବସେନା ବିଧାୟକଙ୍କ ପୁଅ ଓ ତାଙ୍କର କେତେଜଣ ଗୁଣ୍ଡା ଆକ୍ରମଣ କରିଥିବା ଅଭିଯୋଗ ହୋଇଛି। ସୋନୁ ଓ ଅନ୍ୟ ଜଣେ ବ୍ୟକ୍ତି ଆହତ ଅବସ୍ଥାରେ ଚେମ୍ବୁରର ଜେନ୍ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଆକ୍ରମଣର କାରଣ ଜଣାପଡ଼ି ନାହିଁ। ଅନ୍ୟପକ୍ଷରେ ଆକ୍ରମଣ ବେଳର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।
ଏହି ଆକ୍ରମଣ ପରେ ସୋନୁ ନିଗମ ମୁହଁ ଖୋଳିଛନ୍ତି। ସୋନୁ କହିଛନ୍ତି, ମୁଁ କନସର୍ଟ ପରେ ମଞ୍ଚରୁ ଓହ୍ଲାଉଥିଲି, ସେହି ସମୟରେ ଅଭିଯୁକ୍ତ ଜଣଙ୍କ ମୋତେ ଧରିଥିଲେ। ତା’ପରେ ସେ ମୋତେ ବଞ୍ଚାଇବାକୁ ଆସିଥିବା ହରି ଏବଂ ରବାନୀଙ୍କୁ ଠେଲିଦେଲେ। ତା’ପରେ ମୁଁ ପାହାଚ ଉପରେ ପଡ଼ିଗଲି। ଏନେଇ ମୁଁ ଏକ ଅଭିଯୋଗ ଦାଖଲ କରିଛି।