ନୂଆଦିଲ୍ଲୀ: ସିମ୍କାର୍ଡରେ ସୋନୁ ସୁଦଙ୍କ ଫଟୋ। ଏତେ ଛୋଟ ସ୍ଥାନରେ ସୋନୁଙ୍କ ଫଟୋକୁ ନିଖୁଣ ଭାବେ ଅଙ୍କିଛନ୍ତି କଳାକାର ସୋମିନ୍। ସିମକାର୍ଡରେ ସୋନୁଙ୍କ ମୁହଁର ଅବିକଳ ଫଟୋ ପେଣ୍ଟିଂ କରି ସେ ସୋନୁଙ୍କ ପ୍ରତି ନିଜ ଭଲପାଇବା ପ୍ରଦର୍ଶନ କରିବା ସହିତ ନିଜ ପ୍ରତିଭାର ପରିଚୟ ଦେଇଛନ୍ତି। ସୋନୁଙ୍କୁ ନିଜ ସିମ୍ କାର୍ଡରେ ସ୍ଥାନ ଦେଇ ତାଙ୍କୁ ସବୁଦିନ ମନେରଖିବାକୁ ଏପରି କରିଥିବା ସୋମିନ୍ କହିଛନ୍ତି। ତାହାର ଏକ ଫଟୋ ସୋମିନ୍ ତାଙ୍କ ଟୁଇଟର ଆକାଉଣ୍ଟରେ ଶେୟାର କରିଛନ୍ତି। ଏତେ ଛୋଟ ସ୍ଥାନରେ ସୋନୁଙ୍କ ମୁହଁର ଚିତ୍ର ଆଙ୍କିଥିବା ଏହି କଳାକାରଙ୍କ ପୋଷ୍ଟକୁ ନିଜେ ସୋନୁ ମଧ୍ୟ ପସନ୍ଦ କରି ପ୍ରତିକ୍ରିୟା ଦେଇଛନ୍ତି।
