ମୁମ୍ବାଇ: ବଲିଉଡ୍ ନାୟକ ସୋନୁ ସୁଦ କିଛିମାସ ହେବ ରହୁଛନ୍ତି ଚର୍ଚ୍ଚାରେ । କିଛିଦିନ ପୂର୍ବରୁ ପ୍ରବାସୀ ଶ୍ରମିକଙ୍କୁ ସାହାଯ୍ୟ କରି ସୋନୁ ଆସିଥିଲେ ଚର୍ଚ୍ଚାକୁ । ଏବେ ତାଙ୍କର ଏକ ନୂଆ ଗୀତ ରିଲିଜ୍ ହେବା ପରେ ପୁଣିଥରେ ସେ ଚର୍ଚ୍ଚାରେ । କିଛିଦିନ ପୂର୍ବରୁ ସୋନୁଙ୍କ ଅଭିନୀତ ଗୀତ ‘ସାଥ୍ କ୍ୟା ନିଭାଓଗି’ର ଟିଜର ରିଲିଜ୍ ହୋଇଯାଇଥିଲା । ଆଉ ଏବେ ଏହାକୁ ତାଙ୍କ ପ୍ରଶଂସକ ଖୁବ୍ ପସନ୍ଦ କରିଛନ୍ତି । ଏହି ଗୀତରେ ପରଦାରେ ନଜର ଆସୁଛନ୍ତି ନିଧି ଅଗ୍ରୱାଲ । ଗୀତଟିକୁ ଫରହା ଖାଁ ନିର୍ଦ୍ଦେଶନା ଦେଇଥିବା ବେଳେ ସୋନୁ ଓ ନିଧିଙ୍କ ଯୋଡି ଖୁବ୍ ମାନୁଛି ବୋଲି ପ୍ରଶଂସକମାନେ କହିଛନ୍ତି । ଗୀତଟି ପଞ୍ଜାବର ବିଭିନ୍ନ ଲୋକେଶନରେ ଶୁଟିଂ କରାଯାଇଛି ।
