ମୁମ୍ବାଇ: ରିୟଲ ଲାଇଫର ହିରୋ ପାଲଟିଥିବା ବଲିଉଡ୍ ଖଳନାୟକ ସୋନୁ ସୁଦ ଏବେ ପୁଣି ଚର୍ଚ୍ଚାରେ। ସାରା ଦେଶରେ କରୋନା ଭାଇରସ ମହାମାରୀ ଅନେକଙ୍କ ରୋଜଗାର ଛଡାଇ ନେଇଥିବା ବେଳେ ସବୁଠାରୁ ଅଧିକ ପ୍ରଭାବିତ ହୋଇଛନ୍ତି ପ୍ରବାସୀ ଶ୍ରମିକ। ଆଉ ଏହି ସମୟରେ ପ୍ରବାସୀ ଶ୍ରମିକଙ୍କ ପାଇଁ ଦେବଦୂତ ସାଜିଛନ୍ତି ବଲିଉଡ୍ ଅଭିନେତା ସୋନୁ ସୁଦ। ଯେତେବେଳେ ପ୍ରବାସୀମାନେ ପାଦରେ ଚାଲି ଚାଲି ନିଜ ଗାଁକୁ ଫେରୁଥିଲେ ସେତେବେଳେ ସୋନୁ ସେମାନଙ୍କୁ ଘରେ ପହଞ୍ଚାଇବାକୁ ବସ୍ ବ୍ୟବସ୍ଥା କରି ଆସିଥିଲେ ଚର୍ଚ୍ଚାକୁ। ଏହାପରେ ଯିଏ ତାଙ୍କୁ ସୋସିଆଲ ମିଡିଆ ମାଧ୍ୟମରେ ସାହାଯ୍ୟ ମାଗିଛନ୍ତି ପ୍ରାୟ ସବୁକ୍ଷେତ୍ରରେ ସେ ସହଯୋଗର ହାତ ବଢାଇଛନ୍ତି। ଏମିତିକି କେତେକଙ୍କ ପାଇଁ ରୋଜଗାର ମଧ୍ୟ ଯୋଗାଇ ଦେଇଛନ୍ତି ସୋନୁ। ସେ ତାଙ୍କ ୪୭ ତମ ଜନ୍ମଦିନରେ ଘୋଷଣା କରିଥିଲେ କି ସେ ପ୍ରବାସୀ ଶ୍ରମିକଙ୍କୁ ରୋଜଗାର ଯୋଗାଇ ଦେବେ। ଏଥିପାଇଁ ସେ ‘ପ୍ରବାସୀ ରୋଜଗାର’ ନାମକ ଏକ ଆପ୍ ମଧ୍ୟ ଲଞ୍ଚ କରିଥିଲେ। ଏପର୍ଯ୍ୟନ୍ତ ପ୍ରାୟ ୫୮ ଜଣ ପ୍ରବାସୀଙ୍କୁ ସେ ରୋଜଗାର ଯୋଗାଇ ଦେଇଥିବା କୁହାଯାଏ। ହେଲେ ଏଥର ସେ ଯେଉଁ କାମ କରିଛନ୍ତି ତାହା ସବୁଠାରୁ ବଡ଼ ବୋଲି ଆଲୋଚନା ହେଉଛି। ସୋନୁ ନଏଡ଼ାରେ ୨୦ ହଜାର ପ୍ରବାସୀଙ୍କୁ ଘର ଯୋଗାଇ ଦେବାକୁ କହିଛନ୍ତି। ସେ ନିଜେ ଟୁଇଟ୍ କରି ଏହି ସୂଚନା ଦେଇଛନ୍ତି। ସେ କହିଛନ୍ତି ୨୦ ହଜାର ପ୍ରବାସୀ ଶ୍ରମିକଙ୍କ ପାଇଁ ଘର ତିଆରି କରିବା କାମ ‘ନ୍ୟାଶନାଲ ଆସୋସିଏଶନ ଫର ଏଲିବେଶନ କଣ୍ଟ୍ରାକ୍ଟର’ର ଅଧ୍ୟକ୍ଷ ଲଳିତ ଠୁକରାଲଙ୍କ ସହ ମିଶି ୨୪ ଘଣ୍ଟା କାମ କରାଯିବ। ସୂଚନାଯୋଗ୍ୟ, ଏହା ପୂର୍ବରୁ ଥରେ ସୋନୁ ଶେୟାର କରିଥିଲେ କି ଗୋଟିଏ ଦିନରେ ୧,୧୩୭ ଇମେଲ, ୧୯,୦୦୦ ଫେସବୁକ, ୪,୮୧୨ ଇନଷ୍ଟାଗ୍ରାମ, ୬,୭୪୧ ଟୁଇଟର ମେସେଜ ଜରିଆରେ ଲୋକେ ତାଙ୍କୁ ସହାୟତା ମାଗୁଛନ୍ତି।
I am delighted to now offer accommodation for 20,000 migrated workers who have also been provided jobs in garment units in #Noida through @PravasiRojgar. With the support of #NAEC President Shri Lalit Thukral, we will work round the clock for this noble cause 😇 @lalit_thukral pic.twitter.com/XejomrrPaL
— sonu sood (@SonuSood) August 24, 2020
