ବମ୍ବେ: ପରଦାରେ ଖଳନାୟକ ହେଲେ ଅସଲ ଜୀବନରେ ହିରୋ। ବଲିଉଡ୍ ଅଭିନେତା ସୋନୁ ସୁଦ୍ଙ୍କ ପରିଚୟ ଏବେ କିଛି ଏଭଳି କହିଲେ ଭୁଲ୍ ହେବ ନାହିଁ। ମହାମାରୀ କରୋନା ଯୋଗୁ ଉପୁଜିଥିବା ଭୟଙ୍କର ସ୍ବାସ୍ଥ୍ୟ ସଙ୍କଟ ବେଳେ ଅଭିନେତା ହିରୋ ଭଳି ସମସ୍ତଙ୍କର ସହାୟତା କରିଆସୁଛନ୍ତି। ସେ ସାଧାରଣଜନତା ହୁଅନ୍ତୁ ଅବା ସେଲିବ୍ରିଟି, ସମସ୍ତଙ୍କୁ ସହାୟତା କରୁଛନ୍ତି ସୋନୁ।
କିଛିଦିନ ତଳେ ଅଭିନେତା ଚେନ୍ନାଇ ସୁପରକିଙ୍ଗ୍ସର ଷ୍ଟାର ସୁରେଶ ରାଇନାଙ୍କ ସହାୟତା କରିଥିଲେ। ଏବେ ସେ ଆଉଜଣେ କ୍ରିକେଟରଙ୍କ ସହାୟତା କରିଛନ୍ତି। ସେ ହେଲେ କୋଲକାତା ନାଇଟ୍ ରାଇଡର୍ସର ଅନୁଭବୀ ଅଫ୍ ସ୍ପିନର ହରଭଜନ ସିଂହ।
ହରଭଜନ ଟୁଇଟ୍ କରି କର୍ନାଟକରେ ଜଣେ ବ୍ୟକ୍ତିଙ୍କୁ ଏମ ରେମ୍ଡିସିଭର ଇଞ୍ଜେକ୍ଶନ୍ ଆବଶ୍ୟକ ଥିବା କହିଥିଲେ। ଏହା ଦେଖିବା କ୍ଷଣି ତୁରନ୍ତ ସହାୟତା କରିଥିଲେ ସୋନୁ। ସେ ରିଟୁଇଟ୍ କରି ପହଞ୍ଚାଇ ଦେବି ବୋଲି କହିଥିଲେ। ଏହାକୁ ନେଇ ଅଭିନେତାଙ୍କୁ ଧନ୍ୟବାଦ ଦେଇଛନ୍ତି କ୍ରିକେଟର।