ନୂଆଦିଲ୍ଲୀ,୨୭।୮: ଚଳଚ୍ଚିତ୍ର ଅଭିନେତା ସୋନୁ ସୁଦ ଶୁକ୍ରବାର ସକାଳେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ଭେଟିଛନ୍ତି। ଏହି ସମୟରେ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ, ରାଘବ ଚଢା ଏବଂ ଅନ୍ୟମାନେ ମଧ୍ୟ ଉପସ୍ଥିତ ଥିଲେ। କୁହାଯାଉଛି ଯେ ଏହା ଏକ ଆନୁଷ୍ଠାନିକ ବୈଠକ ଥିଲା। ତେବେ ପଞ୍ଜାବ ନିର୍ବାଚନ ସହ ଏହି ବୈଠକ ସମ୍ପର୍କ ଥାଇପାରେ ବୋଲି ସୂତ୍ରରୁ ପ୍ରକାଶ। ଗତ ବର୍ଷ କରୋନା ମହାମାରୀ କାରଣରୁ ଦେଶରେ ଲକ୍ଡାଉନ୍ ପଡିଥିବା ବେଳେ ସୋନୁ ସୁଦ ଲୋକଙ୍କୁ ସାହାଯ୍ୟ କରି ଚର୍ଚ୍ଚାକୁ ଆସିଥିଲେ। ଖାଦ୍ୟଠାରୁ ଆରମ୍ଭ କରି ଶ୍ରମିକଙ୍କୁ ଘରକୁ ନେବା ପାଇଁ ବସ, ଟ୍ରେନରେ ଟିକେଟ ବ୍ୟବସ୍ଥା କରାଇଥିଲେ। ସେବେଠାରୁ ସେ ସୋସିଆଲ ମିଡିଆରେ ବିଭିନ୍ନ ପ୍ରକାରର ସାହାଯ୍ୟ ପାଇଁ କ୍ରମାଗତ ଭାବରେ ଅନୁରୋଧ ଗ୍ରହଣ କରି ଆସୁଥିଲେ। ସେ ଲୋକମାନଙ୍କୁ ଅକ୍ସିଜେନ୍ ବିୟାଣ୍ଟି କରୋନାର ଦ୍ୱିତୀୟ ଲହରରେ ମଧ୍ୟ ବହୁତ ସାହାଯ୍ୟ କରିଥିଲେ।
କେଜିରୱାଲ ଏବଂ ସୋନୁ ସୁଦଙ୍କ ବୈଠକର ଏଜେଣ୍ଡା ସ୍ପଷ୍ଟ ନୁହେଁ, କିନ୍ତୁ କେଜ୍ରିୱାଲ ସରକାର ଖୁବ ଶୀଘ୍ର ଦେଶର ପ୍ରଗତିଶୀଳ ଚଳଚ୍ଚିତ୍ର ନୀତି ଆଣିବାର ଗୋଟିଏ ଦିନ ପରେ ଏହି ବୈଠକ ଅନୁଷ୍ଠିତ ହୋଇଛି।