ବଲିଉଡ ଅଭିନେତା ସୋନୁ ସୁଦ ସୋସିଆଲ ମିଡିଆରେ ଏବେ ବେଶ୍ ଚର୍ଚ୍ଚାରେ ରହିଛନ୍ତି। ଅସହାୟ ଲୋକଙ୍କୁ ସାହାଯ୍ୟ କରି ସେ ସମସ୍ତଙ୍କ ପାଇଁ ଦେବଦୂତ ପାଲଟିଛନ୍ତି। ସୋନୁ ସୁଦ ମଧ୍ୟ ଟୁଇଟରରେ ବେଶ୍ ସକ୍ରିୟ ଏବଂ ସାହାଯ୍ୟ ମାଗୁଥିବା ପ୍ରତ୍ୟେକ ବ୍ୟକ୍ତିଙ୍କୁ ଉତ୍ତର ଦିଅନ୍ତି। କିଛି ଲୋକ ଏହାର ଫାଇଦା ଉଠାଇ ବିନା ଆବଶ୍ୟକତା ଥାଇ ସୋନୁଙ୍କୁ ବିଭିନ୍ନ ଜିନିଷ ମାଗୁଥିବା ଦେଖାଯାଇଛି। ନିକଟରେ ସେମିତି ଜଣେ ଯୁବକ ସୋନୁଙ୍କୁ ଆଇଫୋନ ମାଗିଥିଲେ। ଯୁବକଙ୍କୁ କଡା ଜବାବ ଦେଇଥିଲେ ସୋନୁ। ସୋନୁ ସୁଦଙ୍କୁ ଟ୍ୟାଗ କରି ଇଶାନ୍ ଦ୍ୱିବେଦୀ ନାମକ ଜଣେ ଯୁବକ କହିଥିଲେ ସାର୍ ମୋତେ ଏକ ଆଇଫୋନ୍ ଆବଶ୍ୟକ, ମୁଁ ଏଥିପାଇଁ ୨୦ ଥର ଟୁଇଟ କରିଛି। ଏହି ଟୁଇଟ ସହିତ ଏହି ବ୍ୟକ୍ତି ଦୁଇଟି ହସୁଥିବା ଇମୋଜି ମଧ୍ୟ ଶେୟାର କରିଛନ୍ତି। ଏହାର ଜବାବରେ ସୋନୁ କହିଛନ୍ତି ମୁଁ ମଧ୍ୟ ଏକ ଫୋନ ଚାହୁଁଛି, ଏଥିପାଇଁ ମୁଁ ୨୧ ଥର ଟୁଇଟ କରିପାରିବି। ପୂର୍ବରୁ ସୋନୁ ଅନେକ ଲୋକଙ୍କୁ ସାହାଯ୍ୟ କରୁଥିବା ଦେଖାଯାଇଛି। କାହାକୁ ଟ୍ରାକ୍ଟର ତ ଆଉ କାହାକୁ ଚାକିରି ଏବଂ ଘର ଦେଇ ସେ ଚର୍ଚ୍ଚାରେ ଅଛନ୍ତି।
I also want a phone..for that I can tweet you 21 times. 😃 https://t.co/9VGB3YKAOw
— sonu sood (@SonuSood) September 2, 2020
