ପାଟଣା, ୨୩।୧୧-ପ୍ରବାସୀମାନଙ୍କ ପାଇଁ ଲକ୍ଡାଉନ ସମୟରେ ଦେବଦୂତ ସାଜିଥିବା ବଲିଉଡ ଅଭିନେତା ସୋନୁ ସୁଦଙ୍କୁ ଭେଟିବା ପାଇଁ ଜଣେ ପ୍ରଶଂସକ ବିହାରରୁ ସାଇକେଲ ଯୋଗେ ମୁମ୍ବାଇ ଅଭିମୁଖେ ଯାତ୍ରା କରିଛନ୍ତି। ତାଙ୍କ ନାଁ ଅରମାନ। ମୁମ୍ବାଇରେ ସୋନୁଙ୍କୁ ଭେଟିବା ସହ ଧନ୍ୟବାଦ ଜଣାଇବା ପାଇଁ ଅରମାନ ଇଚ୍ଛା ରଖିଥିବା ପ୍ରକାଶ କରିଛନ୍ତି।
ଅରମାନ କହିଛନ୍ତି, ସୋନୁଙ୍କ ଠିକଣା ବିଷୟରେ ଜଣାନାହିଁ। ମାତ୍ର ମୁମ୍ବାଇରୁ ଖାଲି ହାତରେ ଫେରିବି ନାହିଁ ବୋଲି ଆଶାବାଦୀ ଅଛି। ଏହି ଭିଡିଓକୁ ଦୀପକ ପାଟନା ନାମକ ଜଣେ ବ୍ୟକ୍ତି ଟୁଇଟ କରିଛନ୍ତି। ଏହାପରେ ସୋନୁ ଏହି ଭିଡିଓକୁ ଦେଖି ରି-ଟୁଇଟ କରିଛନ୍ତି। ସୋନୁ ଲେଖିଛନ୍ତି, ଖାଲି ହାତରେ ଆପଣ ଫେରିବେନି। ଆଲିଙ୍ଗନ ପାଇ ଫେରିବ। ସୋସିଆଲ ମିଡିଆରେ ଏହି ଭିଡିଓ ବେଶ ଭାଇରାଲ ହେବାରେ ଲାଗିଛି।
ସୂଚନାଯୋଗ୍ୟ, ଦେଶରେ ଲକଡାଉନ ସମୟରେ ବାହାର ରାଜ୍ୟରେ ଫସି ରହିଥିବା ପ୍ରବାସୀମାନଙ୍କୁ ନିଜ ରାଜ୍ୟରେ ପହଞ୍ଚାଇବାରେ ସୋନୁ ସମସ୍ତ ବ୍ୟବସ୍ଥା କରିଥିଲେ।
ख़ाली हाथ नहीं जाएँगे अरमान।
गले मिल के जाएँगे। https://t.co/lLsWpZFepC— sonu sood (@SonuSood) November 22, 2020
