ଦୁର୍ଘଟଣାରେ ଆହତ ହେଲେ ସୋନୁ ସୁଦଙ୍କ ଧର୍ମପତ୍ନୀ

ମୁମ୍ବାଇ,୨୫।୩: ବଲିଉଡ ଅଭିନେତା ସୋନୁ ସୁଦଙ୍କ ପତ୍ନୀ ସୋନାଲି ସୁଦଏକ ଦୁର୍ଘଟଣାର ଶିକାର ହୋଇଛନ୍ତି। ସୂଚନା ଅନୁଯାୟୀ, ଅଭିନେତାଙ୍କ ପତ୍ନୀଙ୍କର ମୁମ୍ବାଇ-ପୁଣେ ରାଜପଥରେ ଏକ ଭୟଙ୍କର ଦୁର୍ଘଟଣା ଘଟିଥିଲା। ଏହି ଘଟଣା ସୋମବାର ବିଳମ୍ବିତ ରାତିରେ ଘଟିଥିବା କୁହାଯାଉଛି। ଯେଉଁଠାରେ ଅଭିନେତ୍ରୀଙ୍କ ପତ୍ନୀଙ୍କ କାର ଏକ ଟ୍ରକ ସହିତ ଧକ୍କା ହୋଇଥିଲା। ସୋନୁ ସୁଦଙ୍କ ଜଣେ ଘନିଷ୍ଠ ବନ୍ଧୁଙ୍କଠାରୁ ମିଳିଥିବା ସୂଚନା ଅନୁଯାୟୀ, ସେହି ସମୟରେ କାରରେ ସୋନୁ ସୁଦଙ୍କ ପତ୍ନୀ ସୋନାଲିଙ୍କ ବ୍ୟତୀତ ତାଙ୍କ ଭଉଣୀଙ୍କ ପୁଅ ଅର୍ଥାତ୍‌ ଭଣଜା ଏବଂ ଅନ୍ୟ ଜଣେ ମହିଳା ମଧ୍ୟ ଥିଲେ।
କୁହାଯାଉଛି ଯେ ଏହା ଏକ ବଡ଼ ଦୁର୍ଘଟଣା ଥିଲା କିନ୍ତୁ ସୋନାଲି ଏବଂ ତାଙ୍କ ଘନିଷ୍ଠ ବନ୍ଧୁ ଏହି ଦୁର୍ଘଟଣାରୁ ଅଳ୍ପକେ ବଞ୍ଚି ଯାଇଛନ୍ତି। ତାଙ୍କର କୌଣସି ଗୁରୁତର ଆଘାତ ହୋଇନାହିଁ। ଏକ ନ୍ୟୁଜ ଚ୍ୟାନେଲ ସହ କଥାବାର୍ତ୍ତା ସମୟରେ ସୋନୁ ସୁଦ କହିଛନ୍ତି ଯେ ତାଙ୍କ ସ୍ତ୍ରୀଙ୍କ କାର ଦୁର୍ଘଟଣାଗ୍ରସ୍ତ ହୋଇଥିଲା, କିନ୍ତୁ ସୌଭାଗ୍ୟବଶତଃ ସୋନାଲି ଦୁର୍ଘଟଣାରୁ ଅଳ୍ପକେ ବଞ୍ଚି ଯାଇଛନ୍ତି। ବର୍ତ୍ତମାନ, ସୋନାଲି ସୁଦ ଏବଂ ତାଙ୍କ ଭଣଜା ମ୍ୟାକ୍ସ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଉଭୟଙ୍କୁ ୪୮ ରୁ ୭୨ ଘଣ୍ଟା ପର୍ଯ୍ୟନ୍ତ ଅବଜରଭେଶନରେ ରଖାଯିବ।