ମୁମ୍ବାଇ: ବଲିଉଡ୍ର ଅଗାଧାଡିର ଗାୟକ ସୋନୁ ନିଗମ ଏବେ ପୁଣିଥରେ ଆସିଛନ୍ତି ଚର୍ଚ୍ଚାକୁ। ସେ ଭାରତ-ଚାଇନା ସୀମା ବିବାଦକୁ ନେଇ ଚାଇନା ଉପରେ ଖୁବ୍ ବର୍ଷିଛନ୍ତି। ନିକଟରେ ସେ ଭାରତୀୟ ସେନାର ଜଣେ ବୀର ଯବାନଙ୍କ ଭିଡିଓ ଦେଖିବା ପରେ ଚାଇନା ଉପରେ ଖୁବ୍ ରାଗି ଯାଇଛନ୍ତି। ନିକଟରେ ଜଣେ ଯବାନ ଚାଇନା ବର୍ଡର ଗସ୍ତ କରୁଥିବାର ସମୟରେ କିକି ଅସୁବିଧାର ସମ୍ମୁଖୀନ ହେଉଛନ୍ତି ତାହା ବର୍ଣ୍ଣନା କରିଛନ୍ତି। ତେବେ ଯେତେ ବାଧା ବିଘ୍ନ ଆସିଲେ ମଧ୍ୟ ସେମାନେ ସୀମାରେ ଭାରତବାସୀଙ୍କୁ ସୁରକ୍ଷା ଦେବାକୁ ବଦ୍ଧ ପରିକର ବୋଲି କହିଛନ୍ତି। ଆଉ ଏଥିରେ ଭାରତବାସୀଙ୍କ ସହଯୋଗ ଆବଶ୍ୟକ। ଏମାନେ ସୀମାରେ ଶତ୍ରୁ ସହ ଲଢୁଥିବା ବେଳେ ଭାରତବାସୀ ଘରେ ବସି ଆଙ୍ଗୁଠି ଚଳାଇ ଚାଇନା ଆପ୍ ଡିଲିଟ୍ କରିବାର ଅର୍ଥ ଆମକୁ ସହଯୋଗ କରିବା। ତେଣୁ ଅପାଣମାନେ ଏତିକି କରନ୍ତୁ ବୋଲି ଯବାନ ଜଣକ ଅନୁରୋଧ କରିଛନ୍ତି। ସୋନୁ ଏହି ଭିଡିଓଟି ଦେଖିବା ପରେ ଦେଶବାସୀଙ୍କୁ କହିଛନ୍ତି ପ୍ରକୃତରେ ସୀମାରେ ସେନା କ’ଣ କରୁଛନ୍ତି କେଉଁ ଭଳି କଠିନ ପରିସ୍ଥିତିରେ ଗତି କରୁଛନ୍ତି ତାହା ଏହି ଭିଡିଓରୁ ସ୍ପଷ୍ଟ ପାରି ହୋଇ ପଡିଛି। ରାସ୍ତା ନ ଥିଲେ ବି ସେମାନେ କଳେ ବଳେ କୌଶଳେ ସେହି ବାଟ ଦେଇ ଯିବାସହ ଦେଶକୁ ସୁରକ୍ଷା ଦେଉଛନ୍ତି। ସୋନୁ ଏହାପରେ କହିଛନ୍ତି ମୁଁ ପ୍ରତିଜ୍ଞା କରୁଛି ଚାଇନା ସାମଗ୍ରୀ ବର୍ଜନ କରିବାକୁ। ସେ ମଧ୍ୟ ତାଙ୍କ ଫ୍ୟାନମାନଙ୍କୁ ଚାଇନା ସାମଗ୍ରୀ ଯଥା ସମ୍ଭବ ବର୍ଜନ କରିବାକୁ ଅନୁରୋଧ କରିଛନ୍ତି। କାରଣ ଚାଇନା ପ୍ରେମ ବା ଭଲପାଇବାର ଭାଷା ବୁଝୁନାହିଁ ତେଣୁ ତାକୁ କଡା ଜବାବ ଦେବା ଦରକାର ବୋଲି ସୋନୁ କହିଛନ୍ତି।
