ସୋରଡା,୧୨ା୮(ଡି.ଏନ୍.ଏ.): ଭାରତ ସରକାରଙ୍କ ସ୍ବରାଷ୍ଟ ମନ୍ତ୍ରଣାଳୟ ପକ୍ଷରୁ ଜାତୀୟସ୍ତରରେ ଶ୍ରେଷ୍ଠ ତଦନ୍ତକାରୀ ଅଧିକାରୀ ଭାବେ ପୁରସ୍କୃତ ହେବେ ସୋରଡ଼ା ଥାନା ଅଧିକାରୀ। କେନ୍ଦ୍ର ସ୍ବରାଷ୍ଟ ମନ୍ତ୍ରଣାଳୟ ପକ୍ଷରୁ ଚିଠି କରି ଏହି ସୂଚନା ସମସ୍ତ ରାଜ୍ୟକୁ ଦିଆଯାଇଛି। ଜାତୀୟ ସ୍ତରରେ ପୁରସ୍କୃତ ହେବା ପାଇଁ ରମେଶ ମନୋନୀତ ଖବର ଆସିବା ପରେ ଶୁଭେଚ୍ଛାର ସୁଅ ଛୁଟିଛି। ଇତିମଧ୍ୟରେ ବିଧାୟକ ପୂର୍ଣ୍ଣ ଚନ୍ଦ୍ର ସ୍ବାଇଁ, ନଗରପାଳ ଶିବଶଙ୍କର ପଣ୍ଡା, ଗଣମାଧ୍ୟମ ପ୍ରତିନିଧିମାନେ ରମେଶଙ୍କୁ ପୁଷ୍ପଗୁଚ୍ଛ ଦେଇ ଅଭିନନ୍ଦନ ଜଣାଇଛନ୍ତି। ଏଥିସହ କନ୍ଧୁଣି ଦେବୀ ସେବା ସଂଘ, ବସ୍ ମାଲିକ ସଂଘ, ବଣିକ ସଂଘ, ଋଷିକୁଲ୍ୟା କ୍ରିକେଟ କ୍ଲବ ସମେତ ବହୁ ସଙ୍ଗଠନ ସ୍ବାଗତ କରିଛନ୍ତି। ଆଗାମୀ ଦିନରେ ମେଗା ସ୍ବାସ୍ଥ୍ୟ ଶିବିର ସହ ବିଭିନ୍ନ ସଚେତନତାମୂଳକ ଶିବିର ଆୟୋଜନ କରିବା ଲକ୍ଷ୍ୟ ରଖାଯାଇଥିବା ଥାନା ଅଧିକାରୀ ରମେଶ କହିଛନ୍ତି।
