ଚେନ୍ନାଇ,୩।୪: ଇଣ୍ଡିଆନ୍ ଇନ୍ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (ଆଇଆଇଟି) ମାଡ୍ରାସ୍ରେ ୩୨ ବର୍ଷୀୟ ପିଏଚ୍ଡି ଛାତ୍ର ସଚିନ ଆତ୍ମହତ୍ୟା କରିଛନ୍ତି। ଆତ୍ମହତ୍ୟା କରିବା ପୂର୍ବରୁ ସେ ‘ଆଇ ଆମ୍ ସରି ନଟ୍ ଗୁଡ୍ ଏନଫ୍’ ଲେଖି ହ୍ବାଟର୍ସଆପ୍ରେ ଷ୍ଟାଟସ୍ ଦେଇଥିଲେ। ଷ୍ଟାଟସ୍ ଦେଖି ସଚିନଙ୍କ ଜଣେ ବନ୍ଧୁ ରୁମ୍ରେ ପହଞ୍ଚିବା ବେଳେକୁ ପଙ୍ଖାରେ ଝୁଲନ୍ତା ଅବସ୍ଥାରେ ସଚିନଙ୍କ ମୃତଦେହ ଦେଖିବାକୁ ପାଇଥିଲେ। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିବା ଜଣାପଡିଛି। ଆଇଆଇଟି ମାଡ୍ରାସ୍ରେ ଛାତ୍ର ଆତ୍ମହତ୍ୟା କରିବାର ଚଳିତ ବର୍ଷର ଏହା ହେଉଛି ତୃତୀୟ ଘଟଣା। ସଚିନଙ୍କ ମୃତ୍ୟୁକୁ ନେଇ କଲେଜ କର୍ତ୍ତୃପକ୍ଷ ଶୋକ ବ୍ୟକ୍ତ କରିଛନ୍ତି।
