ଭୁବନେଶ୍ୱର,୧୧ା୩: ବେଦାନ୍ତ ଆଲୁମିନିୟମ ପକ୍ଷରୁ ଅନ୍ତର୍ଜାତୀୟ ମହିଳା ଦିବସ ନିକଟରେ ପାଳିତ ହୋଇଯାଇଛି। ଏହି ପରିପ୍ରେକ୍ଷୀରେ କମ୍ପାନୀ ଇନ୍ଷ୍ଟାଗ୍ରାମ ଜରିଆରେ ଏକ ଅଭିନବ ଅଭିଯାନ ‘ସର୍ଟିଂ ହାର୍ଡ ହାଟ୍’ ନାମକ ଏକ ଅଗ୍ମେଣ୍ଟ ରିୟଲିଟି ଲିଡ୍ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି। ବିଶେଷକରି ଉପତ୍ାଦନ ଉଦ୍ୟୋଗ କ୍ଷେତ୍ରରେ ମହିଳା ବୃତ୍ତିଧାରୀଙ୍କୁ ଉତ୍ସାହିତ କରିବା ଲାଗି ଏଭଳି ଏକ ଅଭିଯାନର ଅୟମାରମ୍ଭ କରାଯାଇଛି। ଏପରିକି ବିଭିନ୍ନ କ୍ଷେତ୍ରରେ ଲିଙ୍ଗଗତ ସମାନତା ଉପରେ ମଧ୍ୟ ଏହା ବିଶେଷ ଗୁରୁତ୍ୱ ପ୍ରଦାନ କରୁଛି। ସେହିଭଳି ଧାତୁ ଓ ଭାରି ଇଞ୍ଜିନିୟରିଂ କ୍ଷେତ୍ରରେ ପୁରୁଷ-ମହିଳା ନିଯୁକ୍ତି ମଧ୍ୟରେ ଏକ ବଡ଼ ପାର୍ଥକ୍ୟ ଦେଖାଦେଇଛି। ଉକ୍ତ ଅଭିଯାନ ଜରିଆରେ ବେଦାନ୍ତର ଆଭିମୁଖ୍ୟ ଉକ୍ତ ତାରତମ୍ୟକୁ ଦୂରକରିବା ପାଇଁ ପ୍ରୟାସ କରୁଛି।
ସେହିପରି ମହିଳା ବୃତ୍ତିଜୀବୀ ତଥା ଛାତ୍ରୀମାନଙ୍କୁ ଉତ୍ପାଦନ ଉଦ୍ୟୋଗରେ ଏକ ବୃତ୍ତିଗତ ବିଷୟ ଉପରେ ବିଚାର କରିବାକୁ ଅନୁରୋଧ କରାଯାଇଥିଲା। ଏହି ଅଭିଯାନ ପ୍ରକୃତରେ ଚଳିତ ବର୍ଷର ମହିଳା ଦିବସ ଥିମ୍, ଡିଜିଟାଲ-ଇନୋଭେଶନ ଆଣ୍ଡ ଟେକ୍ନୋଲୋଜି ଫର୍ ଜେଣ୍ଡର ଇକ୍ୟୁଟିକୁ ସ୍ଥାନିତ କରିଛି। ଅପରପକ୍ଷରେ ଉତ୍ପାଦନ, ଭାରି ଇଞ୍ଜିନିୟରିଂ ଓ ଧାତୁ ଶିଳ୍ପଗୁଡ଼ିକ ଭାରତର ମେରୁଦଣ୍ଡ ହେବ ଓ ବିଶ୍ୱର ଉତ୍ପାଦନ ହବ୍ ହେବାକୁ ଭାରତ ଆଶା ପୋଷଣ କରେ। ଏଥିରେ ସବୁଜ ଉତ୍ପାଦନ ଓ ସେବା ସୁଯୋଗ ସୃଷ୍ଟି ସହିତ ଏହି କ୍ଷେତ୍ର ସମସ୍ତଙ୍କ ପାଇଁ ଆକର୍ଷଣୀୟ ହେବ। ଏହି ଶିଳ୍ପରେ ଅପାର କ୍ୟାରିୟର ସୁଯୋଗ ସାଙ୍ଗକୁ ଉନ୍ନତ ସ୍ବୟଂଚାଳିତ, ସ୍ମାର୍ଟ ଉତ୍ପାଦନ, ରୋବୋଟିକ୍ସ ଓ ଅନ୍ୟାନ୍ୟ ବ୍ୟାପକ ନିଯୋଜନ ସୁଯୋଗ ସୃଷ୍ଟି ହେବ।
ଏ ସମ୍ପର୍କରେ ବେଦାନ୍ତ ଲିମିଟେଡ୍ର ସିଇଓ (ଆଲୁମିନିୟମ ବ୍ୟବସାୟ) ରାହୁଲ ଶର୍ମା କହିଛନ୍ତି, ଆଗାମୀ ଦଶନ୍ଧି ଧାତୁ ଉପରେ ବିଶେଷ ନିର୍ଭର କରିବ। ଏଥିରେ ମାନବ ପୁଞ୍ଜିର ସର୍ବୋତ୍ତମ ଉପଯୋଗ ଲାଗି ଧାତୁ ଓ ଖଣି ଶିଳ୍ପ ଆବଶ୍ୟକ ହେବ। ଏକ ଉତ୍ତମ ଆସନ୍ତାକାଲି ପାଇଁ ଅଭିନବ ଉତ୍ପାଦ, ଚୂଡ଼ାନ୍ତ ସ୍ତରୀୟ ପ୍ରୟୋଗ ଓ ସ୍ଥାୟୀ ସମାଧାନ ପନ୍ଥା ଆବଶ୍ୟକ ରହିଛି। ଭାରତ ବିଶ୍ୱ ପାଇଁ ଏକ ମୂଲ୍ୟଯୁକ୍ତ ହବ୍ ଭାବେ ଉଭା ହେବା ସହ ଉତ୍ପାଦନ କ୍ଷେତ୍ରରେ ମହିଳା ବୃତ୍ତିଧାରୀଙ୍କ ଲାଗି ପର୍ଯ୍ୟାପ୍ତ ସୁଯୋଗ ସୃଷ୍ଟି ହେବ।