ନୂଆଦିଲ୍ଲୀ,୧୫।୧୧: ବୋର୍ଡ ଅଫ କଣ୍ଟ୍ରୋଲ ଫର କ୍ରିକେଟ ଇନ୍ ଇଣ୍ଡିଆ (ବିସିସିଆଇ) ଚଳିତ ମାସ ଆରମ୍ଭରେ ରାହୁଲ ଦ୍ରାଭିଡଙ୍କୁ ଭାରତୀୟ କ୍ରିକେଟ ଦଳର ମୁଖ୍ୟ କୋଚ ଭାବରେ ନିଯୁକ୍ତି ଦିଆଯାଇଛି। ଆସନ୍ତା ୨ ବର୍ଷ ପାଇଁ ଶୀର୍ଷ ପଦବୀରେ ରହିବ। ନିକଟରେ ରାହୁଲ ଦ୍ରାବିଡଙ୍କ ନିଯୁକ୍ତିକୁ ନେଇ ୪୦ ତମ ଶାରଜା ଅନ୍ତର୍ଜାତୀୟ ପୁସ୍ତକ ମେଳାରେ ବିସିସିଆଇ ସଭାପତି ସୌରଭ ଗାଙ୍ଗୁଲି ଏକ କାହାଣୀ ଶୁଣାଇଛନ୍ତି। ସେ ଥଟ୍ଟା କରି କହିଛନ୍ତି, ମୁଁ ରାହୁଲ ଦ୍ରାବିଡଙ୍କ ପୁଅଙ୍କଠାରୁ ଏକ ଫୋନ କଲ ପାଇଲି। ସେ ମୋତେ କହିଥିଲେ ଯେ ତାଙ୍କ ବାପା ରାହୁଲ ତାଙ୍କ ଘରେ ସହ ଅତ୍ୟନ୍ତ କଠୋର ହେଉଛନ୍ତି ଏବଂ ତାଙ୍କୁ ଏଠୁ ନିଆଯିବା ଆବଶ୍ୟକ। ପରେ ଦ୍ରାଭିଡଙ୍କୁ ଜାତୀୟ ଦଳରେ ଯୋଡା ଯାଇଥିଲା। ଦ୍ରାଭିଡଙ୍କୁ ଏନେଇ ରାଜି କରାଇବା ସହଜ ଥିଲା, କାରଣ ଯେହେତୁ ଆମେ ପୂର୍ବରୁ ଏକାଠି ଖେଳିଥିଲୁ, ପରସ୍ପରକୁ ଜାଣିଥିଲୁ।
ରାହୁଲ ଦ୍ରାବିଡ ଟିମ ଇଣ୍ଡିଆର ଦାୟିତ୍ୱ ଗ୍ରହଣ କରିଛନ୍ତି ଏବଂ ଜୟପୁରରେ ଭାରତୀୟ ଦଳରେ ଯୋଗ ଦେଇଛନ୍ତି। ଏଠାରେ ‘ମେନ ଇନ ବ୍ଲୁ’ ନଭେମ୍ବର ୧୭ ରେ ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟି -୨୦ ମ୍ୟାଚ ଖେଳିବ। ଭାରତକୁ ନ୍ୟୁଜିଲାଣ୍ଡ ବିପକ୍ଷରେ ୩ଟି ଟି-୨୦ ଅନ୍ତର୍ଜାତୀୟ ଏବଂ ୨ ଟେଷ୍ଟ ମ୍ୟାଚ ଖେଳିବାକୁ ପଡିବ। ଏହା ଟିମ ପରେ ଦକ୍ଷିଣ ଆଫ୍ରିକା ଗସ୍ତ ପାଇଁ ଭାରତୀୟ ଦଳ ଯାତ୍ରା କରିବ।
ରାହୁଲ ଦ୍ରାଭିଡ ୨୦୧୯ ରୁ ୨୦୨୧ ପର୍ଯ୍ୟନ୍ତ ଜାତୀୟ କ୍ରିକେଟ ଏକାଡେମୀରେ କାର୍ଯ୍ୟ କରିଥିଲେ ଏବଂ ବେଙ୍ଗାଲୁରୁରେ ରହୁଥିଲେ। କିନ୍ତୁ ଟିମ ଇଣ୍ଡିଆର ବ୍ୟସ୍ତବହୁଳ କ୍ୟାଲେଣ୍ଡର ଥିବାରୁ ସେ ଦୀର୍ଘ ସମୟ ପର୍ଯ୍ୟନ୍ତ ଘରୁ ଦୂରରେ ରହୁଛନ୍ତି। ରାହୁଲ ଦ୍ରାବିଡଙ୍କ ସ୍ଥାନରେ ଭିଭିଏସ ଲକ୍ଷ୍ମଣଙ୍କୁ ଏନସିଏ ମୁଖ୍ୟ କରାଯିବ।