ବମ୍ବେ: ଦକ୍ଷିଣ ଭାରତୀୟ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଆଜି ହେଉଛି ହାପି ବର୍ଥ ଡେ। ଲୋକପ୍ରିୟ ପ୍ରଯୋଜକ ଅଲୁ ଅରବିନ୍ଦଙ୍କ ପୁଅ ହେଉଛନ୍ତି ସେ। ୧୯୮୩ ଏପ୍ରିଲ ୮ରେ ଚେନ୍ନାଇରେ ଜନ୍ମଗ୍ରହଣ କରିଥିଲେ ଅଲ୍ଲୁ। ପ୍ରଥମେ ଶିଶୁ କଳାକାର ଭାବେ ସେ କ୍ୟାରିୟର ଆରମ୍ଭ କରିଥିବା ବେଳେ ୨୦୦୩ରେ ଫିଲ୍ମ ‘ଗଙ୍ଗୋତ୍ରୀ’ରେ ନାୟକ ଭୂମିକାରେ ଅଭିନୟ କରିଥିଲେ। ଅଭିନୟ ସହ ନିଜର ବିଳାସପୂର୍ଣ୍ଣ ଜୀବନଚର୍ଯ୍ୟାକୁ ନେଇ ସେ ଚର୍ଚ୍ଚାରେ ରହିଥାନ୍ତି।
ଟଲିଉଡ୍ ଷ୍ଟାର ଅଲ୍ଲୁଙ୍କ ପାଖରେ ଶାହରୁଖ ଖାନ୍ଙ୍କଠାରୁ ଅଧିକ ମହଙ୍ଗା ଭ୍ୟାନିଟି ରହିଛି। ୭ କୋଟି ଟଙ୍କାର ଏହି ଭ୍ୟାନ୍କୁ ୨୦୧୯ରେ କିଣିଥିଲେ ଅଭିନେତା। ସେ ଏହାର କିଛି ଫଟୋ ସୋସିଆଲ ମିଡିଆରେ ଶେୟାର କରିଥିଲେ।
ତେବେ ଅଲ୍ଲୁଙ୍କ ଭ୍ୟାନିଟିର ନାମ ଫୋଲକନ୍। ଏହାର ବାହାର ପଟେ ଏଏ ଲେଖାଯାଇଛି। ଭ୍ୟାନିଟିର ଭିତର ସାଜସଜ୍ଜାରେ ଖର୍ଚ୍ଚ ହୋଇଛି ପାଖାପାଖି ୪ କୋଟି ଟଙ୍କା। ଆରାମ କରିବା ଛଡ଼ା ଟିଭି ଦେଖିବା ଏବଂ ଫ୍ରେଶ୍ ହେବାର ସୁବିଧା ଏଥିରେ ରହିଛି।
ଅଭିନେତାଙ୍କ ପସନ୍ଦର ଜିନିଷ ମଧ୍ୟରୁ ଗୋଟିଏ ହେଉଛି ଗାଡି। ବିଏମ୍ଡବ୍ଲୁ, ରେଞ୍ଜ ରୋଭରଠାରୁ ଆରମ୍ଭ କରି ଅନେକ ଦାମୀ ଗାଡ଼ି ଅଛି ତାଙ୍କ ପାଖରେ।
ସେ ୧୦୦ କୋଟି ଟଙ୍କାର ବଙ୍ଗଳାରେ ରୁହନ୍ତି। ଗୋଟିଏ ଫିଲ୍ମ ପାଇଁ ସେ ୧୬ ରୁ ୧୮ କୋଟି ପାଉଣା ନେଇଥାନ୍ତି। ୨୦୧୧ ମାର୍ଚ୍ଚ ୬ରେ ସ୍ନେହା ରେଡ୍ଡିଙ୍କୁ ବିବାହ ପରେ ସେ ଏବେ ସୁଖୀ ଦାମ୍ପତ୍ୟ ଜୀବନ ଅତିବାହିତ କରୁଛନ୍ତି। ପରିବାର ସହ ଅଭିନୟକୁ ସେ ବେଶ ଭଲ ଭାବେ ଦେଖୁଛନ୍ତି।