ଜୋହାନସବର୍ଗ,୨୭ ।୧: ଦକ୍ଷିଣ ଆଫ୍ରିକାର ଜୋହାନସବର୍ଗରେ ଭାରତର ମହାବାଣିଜ୍ୟଦୂତାବାସରେ ୭୪ତମ ସାଧାରଣତନ୍ତ୍ର ଦିବସ ପାଳନ କରାଯାଇଛି । ଏହି ଅବସରରେ ଜୋହାନସବର୍ଗରେ ଭାରତର ମହାବାଣିଜ୍ୟଦୂତ ମହେଶ କୁମାର ଦକ୍ଷିଣ ଆଫ୍ରିକା ପ୍ରବାସି ସମ୍ମାନ ପୁରସ୍କାର ବିଜେତାଙ୍କ ପାଇଁ ସ୍ୱାଗତ ସମାରୋହର ଆୟୋଜନ କରିଥିଲେ । ତିନ ଦକ୍ଷିଣ ଆଫ୍ରିକା ପ୍ରବାସି ସମ୍ମାନ ପୁରସ୍କାର ବିଜେତା ସ୍ୱାଗତ ସମାରୋହରେ ଭାରତ ଓ ଦକ୍ଷଣ ଆଫ୍ରିକା ମଧ୍ୟରେ ଥିବା ସମ୍ପର୍କ ଉପରେ ଚର୍ଚ୍ଚା କରିଥିଲେ ।
ସମାରୋହରେ ପ୍ରେସିଡେନ୍ସିରେ ପୂର୍ବତନ ମନ୍ତ୍ରୀ ଡା. ଏସୋପ ପହାଡ କହିଥିଲେ ଦକ୍ଷିଣ ଆଫ୍ରିକାରେ ଭାରତୀୟ ମିଶନ ଦ୍ୱାରା ଆୟୋଜିତ ଯେ କୌଣସି କାର୍ଯ୍ୟକ୍ରମରେ ସାମିଲ ହେବା ଏକ ବିଶେଷାଧିକାର ଥିଲା କାରଣ ଭାରତ-ଦକ୍ଷିଣ ଆଫ୍ରକା ସମ୍ପର୍କ ମହାତ୍ମା ଗାନ୍ଧୀଙ୍କ ସମୟରୁ ରହିଆସିଛି । ଏହା କେବେ ଭୁଲି ହେବନାହିଁ ଯେ ଭାରତୀୟ ସ୍ୱାଧିନତାର ଜନକ ଗାନ୍ଧିଜୀ ତାଙ୍କର ସଂଘର୍ଷ ଦକ୍ଷିଣ ଆଫ୍ରିକାରୁ ଆରମ୍ଭ କରିଥିଲେ ଏବଂ ଏହି ସ୍ଥାନରୁ ସେ ଏହି ଆନ୍ଦୋଳନରେ ଜନତାଙ୍କୁ ଏକତ୍ରିତ କରିବାର ଗୁରୁତ୍ୱ ଜାଣିଥିଲେ ।
