South Africa's Aiden Markram gets hit by a ball on his chest after playing a shot during the second Twenty20 international cricket match between South Africa and Pakistan at the Wanderers stadium in Johannesburg on April 12, 2021. (Photo by Christiaan Kotze / AFP) (Photo by CHRISTIAAN KOTZE/AFP via Getty Images)
ଜୋହାନ୍ସବର୍ଗ,୧୩ା୪-ସ୍ଥାନୀୟ ଓ୍ବାଣ୍ଡରର୍ସ ଷ୍ଟାଡିୟମରେ ସୋମବାର ଖେଳାଯାଇଥିବା ଦ୍ୱିତୀୟ ଅନ୍ତର୍ଜାତୀୟ ଟି୨୦ ମ୍ୟାଚରେ ଦକ୍ଷିଣ ଆଫ୍ରିକା ୬ ଉଇକେଟରେ ପାକିସ୍ତାନକୁ ପରାସ୍ତ କରିଛି। ଫଳରେ ଦୁଇ ଦଳ ମଧ୍ୟରେ ଚାଲିଥିବା ୪ ମ୍ୟାଚବିଶିଷ୍ଟ ସିରିଜ ୧-୧ ସ୍ତରକୁ ଚାଲିଆସିଛି। ଦୁଇ ଦଳ ମଧ୍ୟରେ ଗତ ଶନିବାର ଅନୁଷ୍ଠିତ ପ୍ରଥମ ଟି୨୦ରେ ପାକିସ୍ତାନ ୪ ଉଇକେଟରେ ବିଜୟ ଲାଭ କରିଥିଲା। ତୃତୀୟ ଟି୨୦ ସେଞ୍ଚୁରିଅନର ସୁପର ସ୍ପୋର୍ଟପାର୍କଠାରେ ଖେଳାଯିବ।
ସୋମବାର ମ୍ୟାଚରେ ୧୪୧ ରନର ବିଜୟ ଲକ୍ଷ୍ୟକୁ ଦକ୍ଷିଣ ଆଫ୍ରିକା ୧୪ ଓଭରରେ ୪ ଉଇକେଟ ବିନିମୟରେ ହାସଲ କରିନେଇଥିଲା। ଦଳ ପକ୍ଷରୁ ଏଡେନ ମାରକ୍ରାମ ସର୍ବାଧିକ ୫୪ରନ କରିଥିବାବେଳେ ଅଧିନାୟକ ହେନରିକ୍ କ୍ଲାସେନ ୩୬ ଓ ଜର୍ଜ ଲିଣ୍ଡେ ୨୦ରନ କରି ଅପରାଜିତ ରହିଥିଲେ। ଭ୍ରମଣକାରୀ ଦଳ ପକ୍ଷରୁ ଉସ୍ମାନ କାଦିର ୨ ଉଇକେଟ ଅକ୍ତିଆର କରିଥିବାବେଳେ ମହମ୍ମଦ ହସନେନ ଓ ହସନ ଅଲି ଗୋଟିଏ ଲେଖାଏ ଉଇକେଟ ନେଇଥିଲେ।
ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ପାକିସ୍ତାନ ନିର୍ଦ୍ଧାରିତ ଓଭରରେ ୯ ଉଇକେଟ ବିନିମୟରେ ୧୪୦ ରନ କରିଥିଲା। ଦଳ ପକ୍ଷରୁ ଟପ୍ ସ୍କୋରର ଅଧିନାୟକ ବାବର ଆଜାମ ୫୦ରନ କରିଥିଲେ। ମହମ୍ମଦ ହାଫିଜ ୩୨ ଏବଂ ହାଇଦର ଅଲି ଓ ହସନ ଅଲି ୧୨ ରନ ଲେଖାଏ କରିଥିଲେ। ଅନ୍ୟ କୌଣସି ବ୍ୟାଟ୍ସମ୍ୟାନ ଦୁଇଅଙ୍କ ସ୍ପର୍ଶ କରିପାରି ନ ଥିଲେ। ଜର୍ଜ ଲିଣ୍ଡେ ଓ ଲିଜାର୍ଡ ଓ୍ବିଲିୟମ୍ସ ୩ଟି ଲେଖାଏ ଉଇକେଟ ଅକ୍ତିଆର କରିଥିଲେ।
ସଂକ୍ଷିପ୍ତ ସ୍କୋର
ପାକିସ୍ତାନ: ୨୦ ଓଭରରେ ୧୪୦/୯ (ବାବର ଆଜାମ-୫୦, ହାଫିଜ୍-୩୨; ଲିଣ୍ଡେ-୩/୨୩, ଓ୍ବିଲିୟମ୍ସ-୩/୩୫)।