Johannesburg:South Africa's batsman Dean Elgar, left, celebrates scoring winning run off Sri Lanka's bowler Wanindu Hasaranga during play on the third day of the second cricket test match between South Africa and Sri Lanka at Wanderers stadium in Johannesburg, South Africa, Tuesday, Jan. 5, 2021. South Africa beat Sri Lanka by 10 wickets. AP/PTI Photo(AP01_05_2021_000131B)
ଜୋହାନ୍ସବର୍ଗ, ୬ା୧(ଏ.ପି.)-ସ୍ଥାନୀୟ ଓ୍ବାଣ୍ଡର୍ସ ଷ୍ଟାଡିୟମରେ ଦକ୍ଷିଣ ଆଫ୍ରିକା ଓ ଶ୍ରୀଲଙ୍କା ମଧ୍ୟରେ ଚାଲିଥିବା ଦ୍ୱିତୀୟ ଓ ଅନ୍ତିମ ଟେଷ୍ଟ ମ୍ୟାଚ ୩ ଦିନ ଭିତରେ ଶେଷ ହୋଇଛି। ଏଥିରେ ଦକ୍ଷିଣଆଫ୍ରିକା ୧୦ ଉଇକେଟରେ ବିଜୟ ଲାଭ କରିବା ସହ ସିରିଜ ୨-୦ରେ ଜିତିନେଇଛି। ମଙ୍ଗଳବାର ୧୫୦/୪ ଅସମାପ୍ତ ଦ୍ୱିତୀୟ ଇନିଂସ ସ୍କୋରରୁ ଖେଳ ଆରମ୍ଭ କରିଥିବା ଶ୍ରୀଲଙ୍କାକୁ ଦକ୍ଷିଣ ଆଫ୍ରିକା ୨୧୧ ରନରେ ଅଲଆଉଟ କରିଦେଇଥିଲା। ପୂର୍ବଦିନରୁ ୯୧ରନ କରି ଅପରାଜିତ ରହିଥିବା ଅଧିନାୟକ ଦିମୁଥ କରୁଣାରନେତ୍ (୧୦୩) ଯଦିଓ ଶତକ ହାସଲ କରିଥିଲେ ୫ ଓଭର ଭିତରେ ସେ ଆଉଟ ହୋଇଯାଇଥିଲେ। ତାଙ୍କ ପରେ ଶ୍ରୀଲଙ୍କା ଏହାର ଅବଶିଷ୍ଟ ୫ଉଇକେଟ ମାତ୍ର ୩୫ରନରେ ହରାଇଥିଲା।
ପେସ୍ ବୋଲିଂକୁ ସୁହାଉଥିବା ଓ୍ବାଣ୍ଡର୍ସ ପିଚ୍ରେ ଘରୋଇ ଦଳ ୬୭ରନ ଟାର୍ଗେଟକୁ ମାତ୍ର ୧୩.୨ ଓଭରରେ ହାସଲ କରିନେଇଥିଲା। ଏଡେନ୍ ମାରକ୍ରମ ୩୬ ଓ ଡିନ୍ ଏଲ୍ଗାର ୩୧ ରନ କରି ଅପରାଜିତ ରହିଥିଲେ। ଏଲ୍ଗାର ଉଭୟ ମ୍ୟାନ ଅଫ୍ ଦି ମ୍ୟାଚ ଓ ସିରିଜ ବିବଚେିତ ହୋଇଥିଲେ।
ସଂକ୍ଷିପ୍ତ ସ୍କୋର
ଶ୍ରୀଲଙ୍କା ପ୍ରଥମ ଇନିଂସ: ୧୫୭
ଦକ୍ଷିଣ ଆଫ୍ରିକା ପ୍ରଥମ ଇନିଂସ: ୩୦୨
ଶ୍ରୀଲଙ୍କା ଦ୍ୱିତୀୟ ଇନିଂସ: ୨୧୧ (ଦିମୁଥ କରୁଣାରନେତ୍-୧୦୩, ନିରୋଶାନ ଡିକ୍ଓ୍ବେଲା-୩୬, ଲୁନ୍ଗି ଏନ୍ଗିଡି-୪/୪୪, ଲୁଥୋ ସିପାମ୍ଲା-୩/୪୦ )।
ଦକ୍ଷିଣ ଆଫ୍ରିକା ଦ୍ୱିତୀୟ ଇନିଂସ: ୬୭/୦ (ଏଡେନ୍ ମାରକ୍ରାମ-୩୬*, ଡିନ୍ ଏଲ୍ଗାର-୩୧*)।