ସେଣ୍ଟ ଜର୍ଜ (ଗ୍ରେନେଡା), ୫ା୭ (ଏପି)-ସ୍ଥାନୀୟ ନ୍ୟାଶନାଲ କ୍ରିକେଟ ଷ୍ଟାଡିୟମରେ ଶନିବାର ଖେଳାଯାଇଥିବା ୫ମ ଅନ୍ତର୍ଜାତୀୟ ଟି୨୦ ମ୍ୟାଚରେ ଦକ୍ଷିଣ ଆଫ୍ରିକା ୨୫ରନରେ ଓ୍ବେଷ୍ଟଇଣ୍ଡିିଜକୁ ପରାସ୍ତ କରିଛି। ଏଡେନ ମାରକ୍ରାମ ଓ କ୍ୱିଣ୍ଟନ ଡି’କକ୍ ଦ୍ୱିତୀୟ ଉଇକେଟରେ ୧୨୭ରନ ଯୋଗ କରି ଦଳକୁ ଜିତାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଏହି ବିଜୟ ଦ୍ୱାରା ଦକ୍ଷିଣ ଆଫ୍ରିକା ୩-୨ରେ ସିରିଜ ବିଜୟ ହାସଲ କରିଛି। ଏଡେନ ମାରକ୍ରାମ ପ୍ଲେୟର ଅଫ୍ ଦି ମ୍ୟାଚ ଏବଂ ଟାବ୍ରେଜ୍ ଶାମ୍ସି ପ୍ଲେୟର ଅଫ୍ ଦି ସିରିଜ ହୋଇଛନ୍ତି। ମାରକ୍ରାମ ତାଙ୍କ କ୍ୟାରିୟର ଶ୍ରେଷ୍ଠ ୭୦ରନ (୪୮ବଲ୍, ୩ ଚୌକା ଓ ୪ ଛକା) ସଂଗ୍ରହ କରିଥିଲେ। ଡି’କକ୍ ୪୨ ବଲ୍ରୁ ୪ ଚୌକା ଓ ୨ ଛକା ସହ ୬୦ ରନ କରିଥିଲେ। ଦକ୍ଷିଣ ଆଫ୍ରିକା ନିର୍ଦ୍ଧାରିତ ୨୦ ଓଭରରେ ୪ ଉଇକେଟ ବିନିମୟରେ ୧୬୮ରନ କରିଥିଲା। ଜବାବରେ ଓ୍ବେଷ୍ଟଇଣ୍ଡିଜ ନିର୍ଦ୍ଧାରିତ ଓଭରରେ ୯ଉଇକେଟ ବିନିମୟରେ ୧୪୩ ରନ କରିଥିଲା।
ସଂକ୍ଷିପ୍ତ ସ୍କୋର
ଦକ୍ଷିଣ ଆଫ୍ରିକା: ୨୦ ଓଭରରେ ୧୬୮/୪ (ମାରକ୍ରାମ-୭୦, ଡି’କକ୍-୬୦, ଫିଡେଲ ଏଡଓ୍ବାଡର୍ସ-୨/୧୯)।
ଓ୍ବେଷ୍ଟଇଣ୍ଡିଜ: ୨୦ ଓଭରରେ ୧୪୩/୯ (ଏଭିନ୍ ଲୁଇସ୍-୫୨, ସିମରନ ହେଟମେୟର-୩୩, ଲୁନ୍ଗି ଏନ୍ଗିଡି-୩/୩୨, କାଗିସୋ ରାବାଡା-୨/୨୪, ଓ୍ବିଆନ ମଲ୍ଡର-୨/୩୧)।