ଓ୍ବିଣ୍ଡହୋକ,୧୦।୯: ଆସନ୍ତା ଅକ୍ଟୋବର ଓ ନଭେମ୍ବର ମଧ୍ୟରେ ହେବାକୁ ଥିବା ଟି୨୦ ବିଶ୍ୱକପ୍ ଲାଗି ଗେର୍ହାଡ ଏରାମସଙ୍କ ନେତୃତ୍ୱରେ ୧୫ ଜଣିଆ ଦଳ ଘୋଷଣା କରିଛି ନାମ୍ବିଆ। ଏହି ଦଳରେ ସ୍ଥାନ ପାଇଛନ୍ତି ଦକ୍ଷିଣ ଆଫ୍ରିକାର ପୂର୍ବତନ ଅଲରାଉଣ୍ଡର ଡେଭିଡ୍ ଓ୍ବିଜି। ସେ ଦକ୍ଷିଣ ଆଫ୍ରିକା ଲାଗି ଅନ୍ତର୍ଜାତୀୟ ସ୍ତରରେ ୬ ଦିନିକିଆ ଓ ୨୦ ଟି୨୦ ମ୍ୟାଚ୍ ଖେଳିଥିଲେ। ଡାହାଣହାତୀ ବ୍ୟାଟ୍ସମ୍ୟାନ ସାଙ୍ଗକୁ ସେ ଜଣେ ମଧ୍ୟମ ଗତିର ପେସର। ତାଙ୍କ ବାପା ନାମ୍ବିଆରେ ଜନ୍ମ ହୋଇଥିବାରୁ ସେ ନାମ୍ବିଆର ଜାତୀୟ ଦଳ ପକ୍ଷରୁ ପ୍ରତିନିଧିତ୍ୱ କରିବାକୁ ଅନୁମତି ପାଇଛନ୍ତି।
ଉଲ୍ଲେଖଥାଉ କି, ନାମ୍ବିଆ ଟି୨୦ ବିଶ୍ୱକପ୍ର ଯୋଗ୍ୟତା ପର୍ଯ୍ୟାୟର ପ୍ରଥମ ମ୍ୟାଚ୍ରେ ଆୟର୍ଲାଣ୍ଡକୁ ଭେଟିବ। ତା’ ପରେ ନେଦରଲାଣ୍ଡ୍ସ ଓ ଶ୍ରୀଲଙ୍କା ସହ ନାମ୍ବିଆ ଗ୍ରୁପ ପର୍ଯ୍ୟାୟ ମ୍ୟାଚ୍ ଖେଳିବ।
