ସିଓଲ,୯।୧: ଦକ୍ଷିଣ କୋରିଆ ସଂସଦ ମଙ୍ଗଳବାର କୁକୁର ମାଂସ ଖାଇବା ଏବଂ ବିକ୍ରୟ ଉପରେ ପ୍ରତିବନ୍ଧକ ଲଗାଇବା ପାଇଁ ଏକ ବିଲ ପାରିତ କରିଛି। ଦକ୍ଷିଣ କୋରିଆ ଏହି ପ୍ରଥାକୁ ଶୀଘ୍ର ନିଷିଦ୍ଧ କରିବ।
କୋରିଆବାସୀ ବିଶ୍ୱାସ କରନ୍ତି ଯେ କୁକୁର ମାଂସ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବଢିଥାଏ, କିନ୍ତୁ ଏହି ପୁରୁଣା ପ୍ରଥାକୁ ବର୍ତ୍ତମାନ କେବଳ ବୃଦ୍ଧ ବ୍ୟକ୍ତିଙ୍କ ଦ୍ୱାରା ପାଳନ କରାଯାଉଛି। ତଥାପି, ଅଧିକାଂଶ କୋରିଆବାସୀ କୁକୁରକୁ ସମାନଙ୍କର ପରିବାର ସଦସ୍ୟ ଭାବରେ ବିବେଚନା କରନ୍ତି ଏବଂ କୁକୁରକୁ ଖାଇବା ଏବଂ ହତ୍ୟାକୁ ଦୃଢ ସମାଲୋଚନା କରନ୍ତି।
ପଶୁ କାର୍ଯ୍ୟକର୍ତ୍ତାମାନେ କହିବାନୁଯାୟୀ, ମାଂସ ପାଇଁ ଅଧିକାଂଶ କୁକୁରକୁ ବିଦ୍ୟୁତ୍ ଝଟକା ଦିଆଯାଏ କିମ୍ବା ଫାଶୀ ଦିଆଯାଏ। କୁକୁର ମାଂସ ଖାଇବା ଏବଂ ବିକ୍ରୟ ଉପରେ ହୋଇଥିବା ନିଷେଧାଦେଶକୁ ନିଜେ ରାଷ୍ଟ୍ରପତି ୟୋନ ସୁକ ୟୋଲ ସମର୍ଥନ କରିଛନ୍ତି। ସେ ନିଜେ ଜଣେ ପଶୁପ୍ରେମୀ।