କିଭ୍,୨୬ା୨: ୟୁକ୍ରେନ ଉପରେ ରୁଷିଆ ଆକ୍ରମଣ କରିବା ବର୍ଷେ ପୂରଣ ହେବା ପରେ ଦକ୍ଷିଣ କୋରିଆ ରୁଷିଆ ବିରୋଧରେ ଠିଆ ହୋଇଛି। ଦକ୍ଷିଣ କୋରିଆ ଏନେଇ ୟୁକ୍ରେନକୁ ୧୩୦ ମିଲିୟନ ଡଲାର ମାନବିକ ସହାୟତା ପ୍ରଦାନ କରିବାକୁ ଯୋଜନା କରିଛି। ଫଳରେ ଏନେଇ ଖୁସି ବ୍ୟକ୍ତ କରିଛନ୍ତି ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କି। ସେ କହିଛନ୍ତି, ରୁଷିଆ ବିରୋଧ ଯୁଦ୍ଧରେ ଦକ୍ଷିଣ କୋରିଆର ସାମରିକ ସମର୍ଥନ ତାଙ୍କ ଦେଶ ପାଇଁ ସକାରାତ୍ମକ ପ୍ରମାଣିତ ହେବ। ରୁଷିଆର ୟୁକ୍ରେନ ଆକ୍ରମଣର ପ୍ରଥମ ବାର୍ଷିକୀ ପାଳନ ଅବସରରେ କିଭ୍ରେ ଏକ ଅଭିଭାଷଣରେ ଜେଲେନସ୍କି ଏହି ମନ୍ତବ୍ୟ ଦେଇଛନ୍ତି।