ସିଓଲ,୨୮।୬: ଦକ୍ଷିଣ କୋରିଆରେ ୫.୧ କୋଟି ଲୋକଙ୍କର ବୟସ ୧ ଅବା ୨ ବର୍ଷ କମ ହୋଇଯାଇଛି। ଦକ୍ଷିଣ କୋରିଆର ଲୋକଙ୍କ ବୟସ ହଠାତ କମ ହେବାର କାରଣ ହେଉଛି ଏଠାରେ ବୟସର ଗଣନାକୁ ନେଇ ଜାରି କରାଯାଇଥିବା ନୂଆ ନିୟମ।
ବୟସ ଗଣନା କରିବାର ପାରମ୍ପାରିକ ପଦ୍ଧତିରେ ଦେଶ ପରିବର୍ତ୍ତନ କରିଛି। ଏହା ସମଗ୍ର ବିଶ୍ୱରେ ବ୍ୟବହୃତ ହେଉଥିବା ଆନ୍ତର୍ଜାତୀୟ ବ୍ୟବସ୍ଥାକୁ ଗ୍ରହଣ କରିଛ। ବୁଧବାର ଆରମ୍ଭ ହୋଇଥିବା ସଂଶୋଧନ ଅନୁଯାୟୀ, ଚୁକ୍ତିଭିତ୍ତିକ ତଥା ଅନ୍ୟାନ୍ୟ ସରକାରୀ ଦଲିଲ ସମେତ ଅଧିକାଂଶ ପ୍ରଶାସନିକ ତଥା ନାଗରିକ ପ୍ରସଙ୍ଗରେ ବିଶ୍ୱର ସମାନ ହାରରେ ହିସାବ କରାଯିବ।
ଦକ୍ଷିଣ କୋରିଆ ଜନ୍ମ ସମୟରେ ଶୂନରୁ ବୟସ ଗଣିବା ଏବଂ ୧୯୬୦ ଦଶକରୁ ଚିକିତ୍ସା ଏବଂ ଆଇନଗତ ଉଦ୍ଦେଶ୍ୟରେ ପ୍ରତ୍ୟେକ ଜନ୍ମଦିନରେ ଗୋଟିଏ ବର୍ଷ ଯୋଡିବା ପାଇଁ ଆନ୍ତର୍ଜାତୀୟ ନିୟମ ବ୍ୟବହାର କରିଆସୁଛି। ଏହା ସତ୍ତ୍ୱେ ଅନେକ ଲୋକ ସେମାନଙ୍କର ଦୈନନ୍ଦିନ ଜୀବନରେ ପାରମ୍ପାରିକ ପଦ୍ଧତି ବ୍ୟବହାର କରିବାରେ ଲାଗିଲେ। ଡିସେମ୍ବରରେ, ପାରମ୍ପାରିକ ପଦ୍ଧତି ପରିତ୍ୟାଗ କରିବା ଏବଂ ଆନ୍ତର୍ଜାତୀୟ ମାନକକୁ ସମ୍ପୂର୍ଣ୍ଣ ରୂପେ ଗ୍ରହଣ କରିବା ପାଇଁ ଦେଶ ଏକ ଆଇନ ପ୍ରଣୟନ କଲା।