ଲକ୍ଷ୍ନୌ,୧୧।୩: ଭାଜପାର ଆସନ ସଂଖ୍ୟା ହ୍ରାସ ହୋଇପାରିବ ବୋଲି ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଶୁକ୍ରବାର କହିଛନ୍ତି। ସେ କହିଛନ୍ତି, ଆମ ଆସନକୁ ବୃଦ୍ଧି କରିଥିବାରୁ ୟୁପିବାସୀଙ୍କୁ ଅଶେଷ ଧନ୍ୟବାଦ। ଆମେ ଦେଖାଇ ଦେଇଛୁ ଯେ ଭାଜପା ଆସନ ହ୍ରାସ ହୋଇପାରିବ। ଭାଜପାର ଏହି ହ୍ରାସ ଅବ୍ୟାହତ ରହିବ। ଦ୍ୱନ୍ଦ୍ୱ ଏବଂ ଭ୍ରାନ୍ତି ଦୂର ହୋଇଛି, ବାକି କିଛି ଦିନ ମଧ୍ୟରେ ଘଟିବ। ଜନସାଧାରଣଙ୍କ ସଂଗ୍ରାମ ଜିତିବ ବୋଲି ଅଖିଳେଶ ଯାଦବ ଟୁଇଟ୍ ଯୋଗେ କହିିଛନ୍ତି। ନିର୍ବାଚନରେ ଦ୍ୱିତୀୟ ବୃହତ୍ତମ ଦଳ ଭାବେ ଉଭା ହୋଇଥିବା ସମାଜବାଦୀ ପାର୍ଟି ୧୧୧ ଟି ଆସନ ଜିତିଥିଲା। ଏସପି ନେତୃତ୍ୱାଧୀନ ମିଳିତ ଭାବେ ୧୨୫ଟି ସିଟ ଜିତିଥିବା ବେଳେ ରାଷ୍ଟ୍ରୀୟ ଲୋକ ଦଳ ୮ଟି ସିଟ ଏବଂ ସୁହେଲଦେବ ଭାରତ ସମାଜ ପାର୍ଟି ୬ଟି ସିଟ ହାସଲ କରିଛି।
