ଛତ୍ରପୁର,୧୯ା୩(ସନ୍ତୋଷ ପାଢୀ/ଦିଲ୍ଲୀପ ସାମଲ ): ସଡ଼କ ଦୁର୍ଘଟଣାରେ ଆହତ ବ୍ୟକ୍ତିମାନଙ୍କୁ ଉଦ୍ଧାର କରି ସ୍ଥାନୀୟ ହସ୍ପିଟାଲ ପଠାଇଥିବା ନେଇ ଭୂମିକା ଗ୍ରହଣ କରିଥିବା ବ୍ୟକ୍ତିଙ୍କୁ ପ୍ରଶାସନ ପକ୍ଷରୁ ଗୁଡ୍ ସ୍ମାରିଟାନ୍ ଭାବେ ସମ୍ମାନିତ କରାଯାଇଥାଏ। ଏହି ପରିପ୍ରେକ୍ଷୀରେ ୯ ଜଣ ବ୍ୟକ୍ତି ବିଶେଷଙ୍କୂୁ ଗୁଡ୍ ସ୍ମାରିଟାନ୍ ଭାବେ ମଙ୍ଗଳବାର ଗଞ୍ଜାମ ଏସ୍ପି ଜଗମୋହନ ମୀନା ସମ୍ମାନିତ କରିଛନ୍ତି । ସେମାନେ ହେଲେ କୋଟିନଡା ଥାନା ଅଧିନ କେ.ଲଛମଣପଲ୍ଳୀ ଗାଁର ଟୁଲୁ ନାୟକ ଓ ଶଙ୍କର ନାହାକ, ଗାଙ୍ଗପୁର ଥାନା ଅଧିନ ଗୋବରା ଗାଁର ସଚିନ୍ଦାନନ୍ଦ ପାତ୍ର ଓ ଶିବ ଶଙ୍କର ଗୌଡ, ତାରିସିଂ ଥାନା ଅଧିନ ଭାଗୋଡା ଗାଁର ନାୟନୀ ମଲିକ ଓ କୁନ୍ତଳା ଜାନି, ବୁଗୁଡା ଥାନା ଅଧିନ ଆଦିପୁର ଗାଁର କେଶବ ସ୍ବାଇଁ , କୋଦଳା ଥାନା ଅଧିନ କଞ୍ଚଣା ଗାଁର ସନ୍ତୋଷ କୁମାର ଘୋଷ ଏବଂ କବିସୂର୍ଯ୍ୟନଗର ଥାନା ଅଧିନ ପଥରା ଗାଁର ଶ୍ରୀକାନ୍ତ ପାତ୍ର ରହିଛନ୍ତି। ସମ୍ମାନିତ ବ୍ୟକ୍ତିଙ୍କ ମଧ୍ୟରେ ୨ ଜଣ ମହିଳା ରହିଛନ୍ତି ା ଏମାନଙ୍କ ମଧ୍ୟରେ ନାୟନୀଙ୍କ ବୟସ ୫୦ ବର୍ଷ ହୋଇଥିବା ବେଳେ ଆଉ ଜଣେ କୁନ୍ତଳାଙ୍କ ବୟସ ୫୫ ବର୍ଷ ରହିଛି ା ଏଥିସହ ଗୁଡ୍ ସ୍ମାରିଟାନ୍ ରେ ସମ୍ମାନିତ ହୋଇଥିବା ସନ୍ତୋଷ ୩ ଥର ଦୁର୍ଘଟଣାରେ ଆହତଙ୍କୁ ହସ୍ପିଟାଲଙ୍କୁ ପଠାଇଥିଲେ। ଏନେଇ ଗଞ୍ଜାମ ଏସପି ସମସ୍ତଙ୍କୁ ପ୍ରଂଶସା କରିଛନ୍ତି।
