ଲକ୍ଷ୍ନୌ,୧୧।୬ : ସମାଜବାଦୀ ପାର୍ଟି (ଏସପି) ମୁଖ୍ୟ ତଥା ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ୨୦୨୪ ଲୋକସଭା ନିର୍ବାଚନରେ ଭାଜପାକୁ ପରାସ୍ତ କରିବାକୁ ବିରୋଧୀ ଏକତା ଉଦ୍ୟମ ମଧ୍ୟରେ ଏକ ବଡ଼ ଦାବି କରିଛନ୍ତି। ୟୁପିରେ ଥିବା ୮୦ ଟି ଲୋକସଭା ଆସନରେ ଏସପି ଜିତିବେ ବୋଲି ଅଖିଳେଶ କହିଛନ୍ତି। ସୀତାପୁରର ନୌମିଶାରଣ୍ୟରେ ଲୋକ ଜାଗରଣ ଅଭିଆନ ଅଧୀନରେ ଆୟୋଜିତ ତାଲିମ ଶିବିର ପରେ ଏସପି ମୁଖ୍ୟ ଅଖିଳେଶ ଯାଦବ ଏହା କହିଛନ୍ତି।
ଜାତି ଜନଗଣନା, ସଫ୍ଟ ହିନ୍ଦୁତ୍ୱ, ଦୁର୍ନୀତି, ବେକାରୀ ଏବଂ ମୂଲ୍ୟ ବୃଦ୍ଧି ପ୍ରସଙ୍ଗରେ ଭାଜପାକୁ ଟାର୍ଗେଟ କରି ଅଖିଳେଶ ଯାଦବ କହିଛନ୍ତି ଏଥର ଦେଶର ସମସ୍ତ ଦଳ ରଣନୀତି ପ୍ରସ୍ତୁତ କରିବେ ଏବଂ ଭାଜପାର ମୁକାବିଲା କରିବେ। ଭାଜପା ସରକାରଙ୍କ ନୀତି ଯୋଗୁଁ ମୁଦ୍ରାସ୍ଫୀତି ବୃଦ୍ଧି ପାଉଛି।
