ଓ୍ବାଶିଂଟନ, ୩।୧୦: ନାସା ପକ୍ଷରୁ ଭାରତର ପ୍ରଥମ ମହିଳା ମହାକାଶ ଯାତ୍ରୀ କଳ୍ପନା ଚାଓ୍ବଲାଙ୍କ ନାମରେ ନିର୍ମିତ ହୋଇଥିବା ମହାକାଶ ଯାନ ଅନ୍ତର୍ଜାତୀୟ ମହାକାଶ କେନ୍ଦ୍ର ମୁହାଁ ଯାତ୍ରା ଆରମ୍ଭ କରିଛି। ମହାକାଶ ଯାନ ‘କଳ୍ପନା ଚାଓ୍ବଲା’ ୩ହଜାର ୬୨୮ କିଲୋଗ୍ରାମ୍ ସାମଗ୍ରୀ ନେଇ ମହାକାଶ କେନ୍ଦ୍ର ଅଭିମୁଖେ ଯାତ୍ରା ଆରମ୍ଭ କରିଛି। ଶନିବାର ଭାରତୀୟ ସମୟ ଭୋର୍ ୬ଟା ୪୬ରେ ଏହାର ଉତ୍କ୍ଷେପଣ କରାଯାଇଛି। ଏଥିରେ ସ୍ପେଶ୍ ଟଏଲେଟ୍କୁ ମଧ୍ୟ ମହକାଶ କେନ୍ଦ୍ରକୁୁ ପଠାଯାଇଛି। ଏହି ଟଏଲେଟ୍ ନିର୍ମାଣରେ ୧୭୪ କୋଟି ଟଙ୍କାରୁ ଅଧିକ ଖର୍ଚ୍ଚ ହୋଇଛି। ୬ ବର୍ଷ ଗବେଷଣା ପରେ ଏହାକୁ ନିର୍ମାଣ କରାଯାଇଛି। ସେହିପରି ମହାକାଶରେ ଚାଷ କରିବା ଲାଗି ବିଭିନ୍ନ ସରଞ୍ଜାମ ପାଇଁ ଏଥିରେ ପଠାଯାଇଛି। କ୍ୟାନସର ଔଷଧର ପ୍ରୟୋଗ ଜିରୋ ଗ୍ରାଭିଟିରେ କିଭଳି କରାଯିବ ସେ ନେଇ ଆବଶ୍ୟକ ସାମଗ୍ରୀ ମଧ୍ୟ ମହାକାଶ ଯାନ ‘କଳ୍ପନା ଚାଓ୍ବଲା’ ମାଧ୍ୟମରେ ପଠାଯାଇଛି। ଏହା ସୋମବାର ଅନ୍ତର୍ଜାତୀୟ ମହାକାଶ କେନ୍ଦ୍ରରେ ଆବଶ୍ୟକ ସାମଗ୍ରୀ ଯୋଗାଇଦେବାର ସମ୍ଭାବନା ରହିଛି।