ଭୁବନେଶ୍ୱର,୨୨ା୧୦: ଚଳିତ ବର୍ଷ ଅକ୍ଟୋବର ୨ରୁ ନାଲ୍କୋର ସମସ୍ତ କାର୍ଯ୍ୟାଳୟ ଓ ୟୁନିଟ୍ରେ ସ୍ବତନ୍ତ୍ର ଅଭିଯାନ ୨.୦ (ସ୍ପେଶାଲ କ୍ୟାମ୍ପେନ୍ ୨.୦) କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି। ଏପରିକି ଏହା ଅନ୍ତର୍ଗତ ବିଭିନ୍ନ ସ୍ବଚ୍ଛତା କାର୍ଯ୍ୟକ୍ରମ ସମେତ ଅନ୍ୟାନ୍ୟ କାର୍ଯ୍ୟକ୍ରମ ଯଥା ଅସମାହିତ ମାମଲାର ଯଥା ସମୟରେ ସମାଧାନ, ରେକର୍ଡ ପରିଚାଳନା, ଅଫିସ ପରିସରକୁ ଦକ୍ଷତାର ସହ ସୁବ୍ୟବହାର ଏବଂ ପ୍ଲାଷ୍ଟିକ୍ର ଏକକ ବ୍ୟବହାର ଉପରେ ପ୍ରତିବନ୍ଧକ ଲଗାଇବା ଇତ୍ୟାଦି କାର୍ଯ୍ୟକ୍ରମ ଜାରି ରହିଛି। ବିଶେଷକରି ନାଲ୍କୋର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀଧର ପାତ୍ର ଏହି ସ୍ବତନ୍ତ୍ର ଅଭିଯାନ ସମ୍ବନ୍ଧିତ ବିଭିନ୍ନ କାର୍ଯ୍ୟାବଳୀର ନିୟମିତ ଅନୁଧ୍ୟାନ କରୁଛନ୍ତି। ସେହିଭଳି ଭୁବନେଶ୍ୱରସ୍ଥିତ ନାଲ୍କୋର କର୍ପୋରେଟ କାର୍ଯ୍ୟାଳୟ ଏବଂ ଉପତ୍ାଦନ କ୍ଷେତ୍ର ତଥା ରାଷ୍ଟ୍ରବ୍ୟାପୀ ଏହାର ଅନ୍ୟ ସମସ୍ତ ଆଞ୍ଚଳିକ କାର୍ଯ୍ୟାଳୟରେ ଚାଲିଥିବା କାର୍ଯ୍ୟକ୍ରମଗୁଡିକର ମଧ୍ୟ ପାତ୍ର ନେତୃତ୍ୱ ନେଉଛନ୍ତି। ସେହିପରି ଏହି ସ୍ବତନ୍ତ୍ର ଅଭିଯାନର ଅଂଶ ଭାବେ ଅନୁଗୋଳଠାରେ ଥିବା ନାଲ୍କୋର ସ୍ମେଲ୍ଟର ଏବଂ ପାୱାର କମ୍ପ୍ଲେକ୍ସରେ ଅବସ୍ଥିତ ସୁନିଆ ମୁଣ୍ଡା ହ୍ରଦ ପରିଷ୍କୃତ କରାଯିବା ସହ ଏହାର ପ୍ରଶିକ୍ଷଣ କେନ୍ଦ୍ରଠାରେ ଏକ ଯୋଗ ଓ ୱେଲ୍ନେସ୍ ସେଣ୍ଟର କାର୍ଯ୍ୟକ୍ଷମ କରାଯାଇଛି।