ଭୁବନେଶ୍ୱର, ୧୭।୧୧(ବ୍ୟୁରୋ): ରାଜ୍ୟରେ ଏବେ ଭୋଟର ତାଲିକା ସଂଶୋଧନ କ୍ୟାମ୍ପେନ ଚାଲିଛି। ଆସନ୍ତା ୨୧ ତାରିଖରୁ ଏ ନେଇ ସ୍ବତନ୍ତ୍ର ଡ୍ରାଇଭ ମଧ୍ୟ ଆରମ୍ଭ ହେବ। ଏହି ସମୟରେ ସମସ୍ତେ ନିଜ ନିଜର ଭୋଟ୍ ପରିଚୟ ପତ୍ର ସଂଶୋଧନ ଆଦି କାଯର୍ର୍ୟ ନେଇ ଆବେଦନ କରିପାରିବେତ। ପ୍ରାଥମିକତା ଭିତ୍ତିରେ ଏସବୁ ଆବେଦନକୁ ଗ୍ରହଣ କରାଯିବା ସହ ଆବଶ୍ୟକୀୟ ପରିବର୍ତ୍ତନ କରାଯିବ ବୋଲି ବୁଧବାର ଖବରଦାତା ସମ୍ମିଳନୀରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ସୂଚନା ଦେଇଛନ୍ତି।
ଉଭୟ ଅନ୍ଲାଇନ୍ ଓ ଅଫ୍ଲାଇନ ମାଧ୍ୟମରେ ବିଏଲ୍ଓମାନଙ୍କ ନିକଟରେ ଆବଶ୍ୟକୀୟ ସଂଶୋଧନ କରିପାରିବେ। ଭୋଟର ହେଲ୍ପ ଲାଇନ୍କୁ ଯାଇ ମଧ୍ୟ ଏହି ସଂଶୋଧନ କରିପାରିବେ । ଏପରିକି ନମ୍ବର ସ୍ପିଡ ପୋଷ୍ଟରେ ଯିବ। ଏଣୁ ସଠିକ ଠିକଣା ଦେବାକୁ କୁହାଯାଇଛି।
ଲୋହାନୀ କହିଛନ୍ତି, ଆମେ କୋଭିଡ୍ କାରଣରୁ ଅନ୍ଲାଇନ୍ ବ୍ୟବସ୍ଥାକୁ ଅଧିକ ଗୁରୁତ୍ୱ ଦେଉଛୁ । ବର୍ତ୍ତମାନ ସୁଦ୍ଧା ୪ ଲକ୍ଷ ୨୦ ହଜାର ଫର୍ମ ଆସିଛି । ସେଥିମଧ୍ୟରୁ ୮୦ ପ୍ରତିଶତ ଆମେ ଅନ୍ଲାଇନ୍ ମାଧ୍ୟମରେ ପାଇଛୁ । ଗତ ବର୍ଷ ଏହା ୮ ପ୍ରତିଶତ ରହିଥିଲା । ବର୍ତ୍ତମାନ ସୁଦ୍ଧା ୧ ଲକ୍ଷ ଡବଲ୍ ଆଇଡି ଡିଲିଟ୍ କରାଯାଇଛି। ଆଗକୁ ଯଦି ସେଭଳିି ନଜର ଆସିବ ତାକୁ ବି ଡିଲିଟ କରାଯିବ। ତେବେ ଏହି https://www.nvsp.in ଲିଙ୍କ ସହାୟତାରେ ଭୋଟର ତାଲିକା ନେଇ ଆବଶ୍ୟକୀୟ କାର୍ଯ୍ୟ କରିପାରିବେ ବୋଲି ମଧ୍ୟ ସେ କହିଛନ୍ତି।
