ନୂଆଦିଲ୍ଲୀ,୧୨।୧୨: ସୁପ୍ରିମ୍କୋର୍ଟଙ୍କ ନିର୍ଦ୍ଦେଶକ୍ରମେ ଜଙ୍ଗଲ ଓ ପରିବେଶ ମନ୍ତ୍ରଣାଳୟ ପକ୍ଷରୁ
ପରିବେଶ ଓ ବନ୍ୟଜନ୍ତୁଙ୍କ ସୁରକ୍ଷା ପାଇଁ ସ୍ୱତନ୍ତ୍ର କମିଟି ଗଠନ କରାଯାଇଛି । ଏହି କେନ୍ଦ୍ରୀୟ କ୍ଷମତାସମ୍ପନ୍ନ କମିଟିର ନୂତନ ଅଧ୍ୟକ୍ଷ ଭାବେ ସିଦ୍ଧାନ୍ତ ଦାସଙ୍କୁ ନିଯୁକ୍ତ କରାଯାଇଛି । ଦାସ ଏବେ ଓଡ଼ିଶା ରିଏଲ୍ ଇଷ୍ଟେଟ୍ ରେଗୁଲେଟୋରୀ ଅଥରିଟି-ORERA ର ଅଧ୍ୟକ୍ଷ ଅଛନ୍ତି ।
କମିଟିର ଅନ୍ୟତମ ସଦସ୍ୟଭାବେ ସୁନୀଲ ଲିମାୟେ, ଚନ୍ଦ୍ରପ୍ରକାଶ ଗୋଏଲ୍ ଏବଂ ଜେଆର୍ ଭଟ୍ଟଙ୍କୁ ମନୋନୀତ କରାଯାଇଛି । ମନ୍ତ୍ରଣାଳୟର ବରିଷ୍ଠ ଅଧିକାରୀ ଭାନୁମତୀ ଜି.ଙ୍କୁ ସଦସ୍ୟ ସଚିବ ରଖାଯାଇଛି । କମିଟିର ଅବଧି ସର୍ବନିମ୍ନ ୩ ବର୍ଷ ଧାର୍ଯ୍ୟ କରାଯାଇଥିବା ମନ୍ତ୍ରଣାଳୟ ପକ୍ଷରୁ ଜାରି ହୋଇଥିବା ବିଜ୍ଞପ୍ତିରେ ସୂଚନା ଦିଆଯାଇଛି ।