ନୂଆଦିଲ୍ଲୀ,୧୨।୧୧: ଝାଡ଼ଖଣ୍ଡ ନିର୍ବାଚନରେ ମାଗଣା ଯୋଜନା ସମସ୍ତ ପାର୍ଟି ପାଇଁ ଗୁରୁତ୍ୱପୂର୍ଣ୍ଣ ଭୂମିକା ଲିଭାଇବାକୁ ଯାଉଛି। ଓଡ଼ିଶା ମଡେଲରେ ସେଠାରେ ସୁଭଦ୍ରା ଭଳି ‘ଗୋ ଗୋ ଦିଦି’ ଯୋଜନା ମାଧ୍ୟମରେ ମହିଳା ମାନଙ୍କୁ ୨୧୦୦ ଟଙ୍କା ଦେଇ ଭୋଟ ହାତେଇବାକୁ ଯୋଜନା କରୁଛନ୍ତି। ସେପଟେ ମୈଆ ଯୋଜନାରେ ହେମନ୍ତ ମାସକୁ ୨୫୦୦ ଟଙ୍କା ଦେଇ ଭାଜପାକୁ କଡା ଟକ୍କର ଦେଉଛନ୍ତି।
ପୂର୍ବରୁ ଝାଡ଼ଖଣ୍ଡରେ ମହିଳାମାନେ ‘ମୈଆ ଯୋଜନା’ରେ ମାସକୁ ୧୦୦୦ ଟଙ୍କା ପାଉଥିବା ବେଳେ ଏହାକୁ ୨୫୦୦ ଟଙ୍କାକୁ ବୃଦ୍ଧି କରିଛନ୍ତି ହେମନ୍ତ ସୋରେନ। କୁହାଯାଉଛି ଗ୍ରାମାଞ୍ଚଳରେ ମହିଳାମାନେ ହେମନ୍ତଙ୍କ ଏହି ଯୋଜନା ଉପରେ ଅଧିକ ଭରସା ଦେଖାଉଥିବା ବେଳେ ସହରାଞ୍ଚଳରେ ମହିଳାମାନେ ଗୋ ଗୋ ଦିଦି’ ଏବଂ ମୈଆ ଯୋଜନାରେ ମଧ୍ୟରେ ବାନ୍ତି ହୋଇଯାଇଛନ୍ତି।
୨୦୨୪ ଝାଡ଼ଖଣ୍ଡ ବିଧାନସଭା ନିର୍ବାଚନରେ ପ୍ରାୟ ୫୦% ଭୋଟର ମହିଳା ରହିଛନ୍ତି ଯେଉଁମାନଙ୍କ ସଂଖ୍ୟା ୧.୨୯ କୋଟି ଅଟେ ଏବଂ ୧.୩୧ କୋଟି ପୁରୁଷ ଭୋଟର ଅଛନ୍ତି। ଚଳିତ ବର୍ଷ ପ୍ରଥମ ଥର ଭୋଟରଙ୍କ ମଧ୍ୟରେ ମହିଳାମାନେ ପୁରୁଷଙ୍କ ତୁଳନାରେ ଅଧିକ। ଉଲ୍ଲେଖଯୋଗ୍ୟ, ୮୧ ଟି ବିଧାନସଭା ଆସନ ମଧ୍ୟରୁ ୩୨ ଟି ମହିଳା ପ୍ରାଧାନ୍ୟ ବିସ୍ତାର କରିଛି, ସେଥିରେ ହେମନ୍ତ ସୋରେନଙ୍କ ବରହାଇତ ଏବଂ ପୂର୍ବତନ ମୁଖ୍ୟମନ୍ତ୍ରୀଙ୍କ ଚମ୍ପାଇ ସୋରେନଙ୍କ ସରରାଇକେଲା ଆସନ ସହିତ ୨୬ ଟି ଅନୁସୂଚିତ ଜନଜାତିଙ୍କ ପାଇଁ ସଂରକ୍ଷିତ ଅଛି।
ଏହି ପ୍ରୟାସରେ କଳ୍ପନା ସୋରେନ୍ ନେତୃତ୍ୱ ନେଉଥିବା ବେଳେ ଜେଏମ୍ଏମ୍ ‘ମୈଆ ଯୋଜନା’ରେ ହିତାଧିକାରୀଙ୍କୁ ଏକୀଭୂତ ଭୋଟ୍ ବ୍ୟାଙ୍କରେ ପରିଣତ କରିବାକୁ କାର୍ଯ୍ୟ କରୁଛି। ଏହି ସମୟରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କ ନେତୃତ୍ୱରେ ଭାଜପା ଏହି ଯୋଜନାକୁ ଚ୍ୟାଲେଞ୍ଜ କରୁଛି ଯେ, ‘ଗୋ ଗୋ ଦିଦି’ ଯୋଜନାରେ ବରିଷ୍ଠ ବାଦ ଦିଆଯାଇଛି। ଯଦି ଭାଜପା ବିଜୟୀ ହୁଏ ତେବେ ଗୋଗୋ ଦିଦିଙ୍କ ଅଧୀନରେ ୨,୧୦୦ ଟଙ୍କା ସହାୟତା କରିବେ ବୋଲି ପ୍ରତିଶୃତି ଦେଇଛନ୍ତି ହିମନ୍ତ ଶର୍ମା।