ପ୍ରକୃତି ସହ ଜଡ଼ିତ ପ୍ରତ୍ୟେକଟି ଜିନିଷକୁ ଈଶ୍ୱରଙ୍କର ଗୋଟିଏ ଗୋଟିଏ ସ୍ବରୂପ ଭାବେ ବିବେଚନା କରାଯାଏ। ଯେମିତି କି ବୃକ୍ଷଲତା; ଏହା ବି ଅନେକ ସମୟରେ ସକାରାତ୍ମକ ଉର୍ଜା ଉତ୍ପନ୍ନ କରିଥାଏ…
*ତୁଳସୀ ଗଛକୁ ପବିତ୍ରତାର ସ୍ବରୂପ ବୋଲି କୁହାଯାଇଥାଏ। ଘରୁ ନକାରାତ୍ମକ ଶକ୍ତିକୁ ଦୂର କରିବାରେ ଏହା ବେଶ୍ ସହାୟକ ହୋଇଥାଏ।
*ସେହିପରି ଘରେ କିମ୍ବା ଘର ନିକଟରେ ନିମ୍ବ ଗଛ ରହିବା ଶୁଭସୂଚକ ହୋଇଥାଏ। କାରଣ ଏହା ପଜିଟିଭ୍ ଏନର୍ଜି ପ୍ରଦାନ କରିଥାଏ।
*କୁହାଯାଏ, କଦଳୀ ଗଛର ଛାଇରେ ବସି ବିଦ୍ୟାର୍ଥୀ ପାଠ ପଢ଼ିଲେ ପାଠ ଶୀଘ୍ର ମନେ ରହିଯାଏ। ଏହି ଗଛ ସ୍ମରଣ ଶକ୍ତିକୁ ବଢ଼ାଇଥାଏ।
*ବାସ୍ତୁଶାସ୍ତ୍ର ଅନୁଯାୟୀ, ଘର ଅଗଣାରେ ଅଶ୍ୱତ୍ଥ ବୃକ୍ଷ ଲଗାଇବା ଆଦୌ ଉଚିତ ନୁହେଁ; ଏହାଦ୍ୱାରା ଘରେ ଧନର ଅଭାବ ଦେଖାଯାଇଥାଏ।
*ଯଦି ଭୁଲ୍ବଶତଃ ଘରେ ଏହି ଗଛ ଉଠି ଯାଇଛି, ତା’ହେଲେ ତାହାକୁ ଉପାଡ଼ି ନେଇ କୌଣସି ମନ୍ଦିର ପ୍ରାଙ୍ଗଣରେ ଲଗାଇ ପାରିବେ।
*କାକ୍ଟସ୍, ବାଉଁଶ କିମ୍ବା କୌଣସି କଣ୍ଟାଥିବା ଗଛକୁ ଘର ଅଗଣାରେ ଲଗାଇବା ଠିକ୍ ନୁହେଁ। କୁହାଯାଏ ଏହାଦ୍ୱାରା ଘରେ କଳହ ସୃଷ୍ଟି ହୋଇଥାଏ।
*ସେହିପରି ବାସ୍ତୁଶାସ୍ତ୍ର ଅନୁଯାୟୀ, ଘର ଅଗଣାରେ ଜାମୁକୋଳି ଓ ପିଜୁଳି ଗଛ ଛଡ଼ା ଅନ୍ୟ କୌଣସି ଫଳଗଛ ରହିବା ଠିକ୍ ନୁହେଁ।
