ଭୁବନେଶ୍ୱର,୭ା୧୨(ବ୍ୟୁରୋ): ଭୁବନେଶ୍ବର-ରାଉରକେଲା-ଭୁବନେଶ୍ବର ସ୍ପେଶାଲ ଏକ୍ସପ୍ରେସ ସମୟରେ ପରିବର୍ତ୍ତନ କରାଯାଇଛି। ଭୁବନେଶ୍ବରରୁ ଅପରାହ୍ନ ୨ଟା ୧୦ରେ ଛାଡ଼ୁଥିବା ଏହି ଟ୍ରେନ୍ ଡିସେମ୍ବର ୫ରୁ ଅପରାହ୍ନ ୧ଟା ୪୦ରେ ଭୁବନେଶ୍ବର ରେଳ ଷ୍ଟେଶନ ଛାଡ଼ି ରାତି ୯ଟାରେ ରାଉରକେଲାରେ ପହଞ୍ଚୁଛି। ସେହିପରି ଫେରିବାବେଳେ ଏହା ଭୋର୍ ୫ଟା ୨୦ରେ ରାଉରକେଲାରୁ ବାହାରି ମଧ୍ୟାହ୍ନ ୧୨ଟା ୩୦ରେ ଭୁବନେଶ୍ବରରେ ପହଞ୍ଚୁଛି। ଏହି ପରିବର୍ତ୍ତିତ ସମୟ ଅନୁସାରେ ଯାତ୍ରୀମାନେ ସେବା ପାଇବେ। ଏହାସହ ଗତ ୧ ତାରିଖଠାରୁ ପୂର୍ବତଟ ରେଳପଥ ମଧ୍ୟରୁ ଛାଡ଼ୁଥିବା ଟ୍ରେନ୍ଗୁଡ଼ିକର ସମୟରେ ପରିବର୍ତ୍ତନ କରାଯାଇଛି। ଏଥିଲାଗି ଯାତ୍ରୀମାନେ ରେଲ୍ୱେ ଇନ୍କ୍ୱାରୀ ନମ୍ବର ୧୩୯କୁ ଯୋଗାଯୋଗ କରିବାକୁ ପୂର୍ବତଟ ରେଳପଥ ପକ୍ଷରୁ କୁହାଯାଇଛି।